محبوب عالم

اُردو زبان انسائیکلوپیڈیا پر کوئی بھی مقالہ تحریر کرتے وقت الفاظ و اِصطلاحات پر خاص توجہ دیں. اگر کسی چیز کیلئے انگریزی لفظ عام ہے اور اُس کیلئے اُردو میں بھی لفظ موجود ہے تو براۂ کرم انگریزی کا لفظ اُردو رسم الخط میں لکھ دیجئے اور ساتھ ہی اُردو لفظ بھی لکھ دیجئے تاکہ مقالہ عام فہم بھی ہو اور اُردو کے اپنے الفاظ بھی ترویج پائیں، مثلاً computer کیلئے لفظ ‘‘کمپیوٹر’’ ہی عام ہے اِس لئے اِس کا مقالہ ‘‘کمپیوٹر’’ سے ہی شروع کردینا چاہئیے اور مقالے کے متن میں کمپیوٹر کے ساتھ شمارندہ (جو کہ اُردو کا لفظ ہے) بھی استعمال کرنا چاہئیے. وضاحت کیلئے دیکھئے مقالہ: کمپیوٹر

اگر کسی انگریزی لفظ کیلئے اُردو میں کوئی لفظ استعمال کرنے پر دیوانِ عام میں اتفاقِ رائے ہوجاتا ہے تو اُس لفظ کو ہی استعمال کرنا چاہئے اور ساتھ ہی مقالے میں انگریزی لفظ کو بھی لکھنا بہتر ہوگا.

ایک بات ذہن نشین کرلیں کہ کوئی مقالہ اگر انگریزی لفظ سے شروع ہے تو آپ وہی مقالہ اُردو اِصطلاح سے مرتب نہیں کرسکتے کیونکہ اُردو زبان انسائیکلوپیڈیا پر ایک ہی موضوع پر دو مقالات تحریر نہیں کئے جاسکتے. اگر آپ اِس اُصول کی خلاف ورزی کریں گے تو آپ کا مقالہ حذف کیا جاسکتا ہے.

یاد رہے کہ کوئی بھی انگریزی لفظ اُردو رسم الخط میں لکھنے کے بعد اُسے انگریزی رسم الخط میں نہ لکھا جائے. مثلاً بیالوجی کے مقالے میں لفظ بیالوجی کے ساتھ ہی انگریزی رسم الخط میں biology لکھنے سے مقالہ عام فہم نہیں رہ جاتا.

اگر آپ کو علم نہیں کہ کسی انگریزی لفظ کیلئے اُردو میں کونسا لفظ استعمال ہوتا ہے تو براۂ مہربانی دیوانِ عام پر پوچھئے. دیوانِ عام پر آپ کھل کر اپنے خیالات کا اظہار کرسکتے ہیں. دیوانِ عام ایک تبادلۂ خیال منصوبہ ہے. اگر آپ نہیں جانتے کہ تبادلۂ خیال کیسے کریں تو درج ذیل موضوع ملاحظہ فرمائیے.
تبادلۂ خیال کیسے کریں؟

miqmysori

السلام علیکم
کیا موبائل کے لیے بھی اردو زبان میں کوئی نیا لفظ ہے؟

محبوب عالم

جی بالکل ہے. موبائل انگریزی زبان کا لفظ ہے اور اِس سے مراد کوئی بھی ایسی چیز ہوتی ہے جسے (با آسانی) ایک جگہ سے دوسری جگہ منتقل کیا جاسکے.
اُردو میں اِس کا متبادل ‘‘محمول’’ ہے. جس کا مطلب بھی تقریباً یہی ہے.

فیصل ناصر

جیبی فون
ایک اصطلاح الیاس بھائی نے دی تھی بہت مناسب لگتی ہے

محبوب عالم

جیبی فون تو بالکل مناسب نہیں.
جیبی کا مطلب ہے جیب میں رکھا جانے والا یا جیب سے متعلق. اِس کو انگریزی میں pocket کہہ سکتے ہیں.
اور فون تو ہے ہی انگریزی کا لفظ. لہٰذا، جیبی فون دراصل pocket phone کی معنی ہے.

محبوب عالم

جیبی فون تو بالکل مناسب نہیں.
جیبی کا مطلب ہے جیب میں رکھا جانے والا یا جیب سے متعلق. اِس کو انگریزی میں pocket کہہ سکتے ہیں.
اور فون تو ہے ہی انگریزی کا لفظ. لہٰذا، جیبی فون دراصل pocket phone کی معنی ہے.

فیصل ناصر

پتا نہیں جی یہ میرا ایجاد کردہ نہیں الیاس بھائی کچھ بتا سکتے ہیں آپ کو
مجھے تو پسند آیا
ویسے فون کو کیا کہیں گے ؟

محبوب عالم

فون کیلئے کوئی موزوں اُردو متبادل ابھی سامنے نہیں آیا.

فیصل ناصر

اسی لئے فون کا بدلا فون
اور موبائل کے لئے سفری یا جیبی مناسب ہوگا
جیبی زیادہ ہم آہنگ ہے

ماسٹر مقسود

ہمارے ہاں اردو میں انگریزی سے آنے والے الفاظ کو استعمال کرنے میں بہت تردد سے کام لیا جاتا ہے ۔
وجہ یہ ہے کہ اس سے بعض احباب کو انگریری کے مکمل ، اور اردو کے ادھورہ ہونے کا احساس ہوتا ہے ،جو درست نہیں ۔
کیونکہ انگریزی تو خود اچھی خاصی "کھچڑی " قسم کی زبان ہے۔
اکثریت ان الفاظ کی انگریزی " سے " ہمارے ہاں آئی ہے ، انگریزی " کی " نہیں آئی ۔
اوپر کی مثالوں میں بھی مثلاً ، لاطینی کا لفظ mobilis جس کا مطلب ہے " حرکت کرنے والا " ، اور bio یونانی کا لفظ ہے جس کا مطلب " زندگی " ہے ، وغیرہ وغیرہ ۔

محبوب عالم

یہ کیا فرما رہے ہیں آپ؟ یہ لسانیات کی تحقیق اگر اتنی آسان ہوتی تو ابھی تک تمام انگریزی الفاظ (جن کیلئے اُردو میں کوئی متبادل موجود نہیں)،کیلئے ابھی تک اُردو متبادلات ڈھونڈے جاچکے ہوتے.
اگر آپ موبائل کیلئے اُردو متبادل جیبی اپنائیں گے تو کیا پھر موبائل ہوسپٹل کو ‘‘جیبی ہسپتال’’ کہا جائے گا؟
یہ تو اُردو کے ساتھ سراسر نا اِنصافی ہے صاحب. اُردو زبان ویسے بھی بہت کٹھن دور سے گزر رہی ہے اور آپ غیر موزوں الفاظ کی برمار کرکے اِسے اَور بھی کمزور بنانا چاہتے ہیں.

فیصل ناصر

نہیں بھائی میرا ایسا کوئی ارادہ نہیں
اور نا ہی میں اردو داں ہوں
موبائل کی اردو کیا بنے گی ؟؟

سام

ایک گھنٹے کی کوشش کے بعدایک لفظ سوجھاہے آلہ صوت السریع کیساہے

فیصل ناصر

صوت السریع
صوت بمعنی آواز
سریع بمعنی جلد یا تیزی

جچا نہیں

سام

آلہ صوت السّریع الحرکت کیساہے