محبوب عالم

آج کل ہر جگہ یہ سننے کہ ملتا ہے کہ اُردو چوپال خانے بہت زیادہ ہوگئے ہیں اور اُردو زبان کیلئے بہت کام ہورہا ہے. لیکن جب میں نے اِن چوپال خانوں کی زیارت کی تو میں حیران رہ گیا کہ یہاں تو اُردو زبان کی کوئی چیز ہے ہی نہیں، بلکہ انگریزی کو اُردو رسم الخط میں لکھ دیا جاتا ہے اور یہ دعویٰ کیا جاتا ہے کہ یہ انٹرنیٹ پر اُردو کا استعمال ہے. ایک اور بات جو یہ اُردو چوپال خانوں کے منتظیم کرتے ہیں وہ یہ کہ ہمارے ہاں بہت سے لوگ انگریزی لکھ پڑھ یا سمجھ نہیں سکتے لہٰذا ہمیں اُردو ہی کو انٹرنیٹ (کمپیوٹر) پر استعمال کرنا چاہئیے. یہاں ایک بار پھر میرا سر شرم سے جھُک جاتا ہے کہ اَب بھی وہی لوگ کمپیوٹر کو نہیں سمجھ سکتے کیونکہ وہی انگریزی آپ اُردو رسم الخط میں لکھ رہے ہیں، کچھ تبدیلی واقع نہیں ہوئی. ہونا تو یہ چاہئیے کہ ایک لفظ جو آپ انگریزی کا استعمال کررہے ہیں، اگر آپ وہی لفظ اُردو کا استعمال کریں تو لوگوں (خصوصاً وہ جن کو انگریزی کی سمجھ بوجھ نہیں ہے) کو آسانی سے سمجھ آجائے گی. اُردو کے الفاظ استعمال کرنے سے یہ زبان ترقی بھی پائے گی اور اِس کی ترقی ہمارے لئے باعث فخر و عزت ہے. آپ تمام دوستوں سے گزارش ہے کہ انگریزی الفاظ کے متبادل اُردو الفاظ استعمال کیا کریں. کچھ عمومی الفاظ کی فہرست مندرج ذیل ہے:
Internet : جالبین (جال + بین | جالِ بین)
Web : حبالہ
World Wide Web: حبالہ محیط عالم
Software: مصنع لطیف
Hardware: مصنع کثیف
Application: نفاذیہ
Application Software : نفاذی مصنع لطیف
Log : نوشتہ
Log In : داخل نوشتہ
Log Out: خارج نوشتہ
Size : جسامت
Font : اندازِ خط / رسم الخط / خط
Hard Disk: قرص کثیف
Forum : چوپال
Option: اختیار
Options: اختیارات
Tag: دھجی
Keyboard: تختۂ کلید
Operating System: عملیاتی نظام
Computer: شمارندہ / حاسب
Network: جالکار (جال + کار | جالِ کار )
Portal: آستانہ / چوکھٹ / بوابہ
Post : چسپانہ
Arcade : رواق

اگر آپ کے ذہن میں سوال اُبھر رہا ہے کہ اگر ہم ایسی اُردو استعمال کریں گے کسی چوپال پہ (جیسے یہ چوپال) تو کسی کو سمجھ نہیں آئے گی. تو جواب یہ ہے جناب کہ آپ اگر خالصاً اُردو استعمال کریں گے تو لوگوں کو وُہ اُردو سیکھنی ہوگی. اِس کیلئے آپ ایک حصّہ اپنے چوپال میں مخصوص کرسکتے ہیں جہاں اِن اِصطلاحات اور اُن کی معنی کو درج کیا گیا ہو. جب ایک صارف اِن اصطلاحات کو دیکھے گا تو وہ پھر اِنہی کو استعمال کرے گا. اِس طرح ہم بھی یہ دعویٰ کرنے کے قابل ہوجائیں گے کہ ہماری قومی زبان انگریزی سے کم نہیں.
نوٹ: مندرجہ بالا اِصطلاحات کی طرح آپ کو اور بھی کئی جدید اِصطلاحات اُردو ویکیپیڈیا سے مل سکتی ہیں. پتہ ہے: http://ur.wikipedia.org
آئیے! اُردو کا استعمال کرکے اپنی محبّ وطنی کا ثبوت دیں.

محبوب عالم

چلیں یہ تو آپ مانتے ہیں کہ فورم کیلئے چوپال کا لفظ متبادل کے طور پر استعمال کیا جاسکتا ہے.

جی جناب ! چوپال ایک ایسا لفظ ہے جس کے اصل کے بارے میں علم نہیں اور یہ نہیں کہاجاسکتا کہ یہ کس زبان سے اخذ شدہ ہے. اور آپ کو بتاتا چلوں کہ یہ لفظ پاکستان میں ہر جگہ مستعمل ہے. پشتو میں بھی یہی لفظ اِسی معنی میں استعمال ہوتا ہے. تو پھر آپ کیسے کہہ سکتے ہیں کہ دوسری علاقوں میں اِس لفظ کی اہمیت نہیں؟

لیزر اِس لئے مروّجہ ہے کہ یہ مغرب یعنی یورپ اور امریکہ میں استعمال ہوتا ہے. اور چونکہ ہم اُن سے بے حد متأثر ہیں اِسی لئے اُنہی کے الفاظ کو خوبصورت اور بامعنی مان کر استعمال کرتے ہیں. یہ میں پہلے بھی کہہ چکا ہوں کہ اِس اور اِس جیسے متعدد الفاظ کا متبادل نہ ڈھونڈنے کی وجہ سے یہی رِواج پاگئے.

جناب! خاکسار اِس کا تذکرہ کرچکا ہے کہ جن الفاظ کا زبان کے دوسرے اِصطلاحات و مرکبات پر اثر نہ ہو، تو اُن کو بیعنہہ استعمال کرنے میں کوئی خرج نہیں. چلئیے آپ دقیقہ کیلئے منٹ کا لفظ استعمال کیجئے. اُردو ویکی پر بھی منٹ ہی استعمال کیا گیا ہے.

محبوب عالم

جناب!
آلہ عربی زبان سے ماخوذ ہے اور عربی میں آلہ machine کو کہاجاتا ہے. اُردو ویکی پر بھی آلہ مشین کیلئے ہی استعمال کیا گیا ہے. آپ کی معلومات کیلئے، instrument کیلئے لفظ ‘‘ اوزار ’’ استعمال ہوا ہے. کسی بھی اُردو لغت میں دیکھئے، instrument کیلئے ‘‘اوزار’’ ہی لکھا ہوگا. part تو حصہ کو کہتے ہیں جناب.

سیپ

ایک بات یاد آگئی ہمارے نصاب میں ایک کہانی شامل ہے "کنور اودے اور رانی کیتکی " انشا کی لکھی ہوئی ہے اس میں ایک لفظ بھی عربی یا فارسی کا شامل نہیں ہے صرف ایک لفظ لالٹین ہے جو کہ انگریری کا ہے
یہ کہانی اتنی مشکل ہے کہ بس ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

__________________

میاں شاہد

تو خود کو رکھ وہاں‌اتنا کہ ہر تلاش سے پہلے
بندہ تجھ سے ہی پوچھے "بتا لکھاوہاں کیا ہے؟"

یہ ایک بے وزن اور بے ہنگم شعر ہے میں‌عمومآ ایسی شاعری نہیں‌کرتا مگر جس کے لئے کی ہے اس کے لئے ایس بھی جائز ہے بٹن دباکے

__________________

منتظمین

بھائی ہم نہ تو حسد اور بغض کا شکار ہیں اور نہ ہی کسی قسم کے لسانی تعصب کا شکار۔ جو چیز مناسب ہے ہر حال میں مناسب اوربہتر ہے۔ اور ہم ہمیشہ بہتری کے حصول کے لیے کوشش کرتے ہیں۔
باقی اردو دنیا کی دوسری تمام زبانوں سے اس لحاظ سے منفرد ہے کہ یہ اپنے لیے خود راستہ بناتی ہے اور بہت زیادہ تیزی کے ساتھ الفاط کو اپنے اندر سمیٹتی اور غیر مروجہ الفاظ کی صفائی کرتی ہے۔ دوسری زبانوں‌میں بھی یہی صلاحیت ہے لیکن وہ یہ کام صدیوں میں کرتی ہیں اور اردو عشروں میں جس کی واضح مثال کسی بھی 40 سال سے زیادہ پرانی کتاب کی زبان اور موجودہ زبان میں واضح فرق ہیں۔۔۔
اردو کی اس صلاحیت کی وجہ سے ہی اردو ، اردو کہلاتی ہے اور یہی اس کا اصل حسن اور توازن ہے- میں مانتا ہوں کہ ابھی یہ توازن کافی حد تک خراب ہو چکا ہے لیکن اردو یہ اپنی صلاحیت ہے جو یہ خود ہی وقت کے ساتھ صیح کرئے گی۔ اس کے اگے بند باندھا ایسا ہے جیسے بپھرئے ہوئے دریا کو روکنا اور بہتے ہوئے پانی پر تصویریں بنانا۔۔۔

والسلام

__________________
تم سپاہی نہیں ہو پیشہ ور قاتلو!

میاں شاہد

محترم سب سے پہلے تو آپ یہ فرمادیں‌کہ اردو کے اصیل ماآخد میں انگریزی شامل نہیں‌ہے؟ اور دیگر زبانیں‌کس طرح‌بنی ہیں اور کس کس سے مل کر بنیہیں یہ تو ہمارا موضوع بحچ نہیں ہے یہ انکا مسئلہ ہے جنکی زبانیں ہیں

منتظمین

یہ وکی پیڈیا سے ہے جناب اس کو دیکھ لیں۔۔۔۔۔۔۔۔۔۔۔۔۔۔۔۔۔۔

میاں شاہد

میں نے گوگل پر آپ کا نام لکھ کر تلاش کی تو یہی جواب ملا ہے کہ یہ چیٹنگ ہے یا شاید چیٹ لکھا ہوا آیا تھا بٹن دباکے

میاں شاہد

خیر ہے چندا ، چند ملی گرام کا ہی فرق ہے

میاں شاہد

ہاں‌موٹائی بھی زیادتی میں شمار ہوتی ہے

محبوب عالم

بے ہنگم ہے لیکن نشانے پر ! یہ جناب نہیں بتانا چاہتے کہ وہ اُردو کو سمرقندی صاحب کی وجہ سے استعمال نہیں کرنا چاہتے. سمرقندی صاحب سے نالانی کی وجہ بھی صاحب ہی بتاسکتے ہیں.

عبدالقدوس

یہ تو اس کی پہاڑ نوازی ہے کہ آپ کو شعر کہنےکا موقع دیا وگرنہ آپ تو پیسے دے کر شعر سنانے والے شاعر ہیں

__________________

منتظمین

http://ur.wikipedia.org/wiki/Plate_I یہ لنک بھی دیکھ لیں۔ بھائی ہم اردو تو استعمال کرنا چاہتے ہیں لیکن اردو وہ ہی ہے جو عام بولی اور سمجھی جاتی ہے نہ کہ وہ جو چند اشخاص سمجھتے ہیں کہ یہ اردو ہے۔۔۔

منتظمین

http://ur.wikipedia.org/wiki/تختی_پے اس پر بھی نظر دوڑائیں والسلام

میاں شاہد

دیکھیں‌جناب میں انگریزی کا حمایتی تو ہوں‌نہیں بلکہ اکژر فورمز پر میرا یہ جملہ لکھا ہوتا ہے کہ ’میں اردو سے محبت کرتا ہوں اور انگریزی سے مجھے چڑ ہے‘

تاہم یہ میرے جذبات ہیں اور مجھے خوشی ہوگی کہ دیگر دوست بھی ایسے جذبات کااظہار کریں مگر یہ کیا بات ہے کہ ہم اردو میں سے انگلش تو نکال دیں‌اور فارسی شامل رکھیں‌یا سنسکرت شامل رکھیں ، بھائی اگر کچھ کرنا ہی ہے تو پکا کام کرو نا سب کو نکالو۔

ویسے گلاس کے لئے پیالے کے علاوہ کچھ اور متابادل ہے؟