محبوب عالم

آج کل ہر جگہ یہ سننے کہ ملتا ہے کہ اُردو چوپال خانے بہت زیادہ ہوگئے ہیں اور اُردو زبان کیلئے بہت کام ہورہا ہے. لیکن جب میں نے اِن چوپال خانوں کی زیارت کی تو میں حیران رہ گیا کہ یہاں تو اُردو زبان کی کوئی چیز ہے ہی نہیں، بلکہ انگریزی کو اُردو رسم الخط میں لکھ دیا جاتا ہے اور یہ دعویٰ کیا جاتا ہے کہ یہ انٹرنیٹ پر اُردو کا استعمال ہے. ایک اور بات جو یہ اُردو چوپال خانوں کے منتظیم کرتے ہیں وہ یہ کہ ہمارے ہاں بہت سے لوگ انگریزی لکھ پڑھ یا سمجھ نہیں سکتے لہٰذا ہمیں اُردو ہی کو انٹرنیٹ (کمپیوٹر) پر استعمال کرنا چاہئیے. یہاں ایک بار پھر میرا سر شرم سے جھُک جاتا ہے کہ اَب بھی وہی لوگ کمپیوٹر کو نہیں سمجھ سکتے کیونکہ وہی انگریزی آپ اُردو رسم الخط میں لکھ رہے ہیں، کچھ تبدیلی واقع نہیں ہوئی. ہونا تو یہ چاہئیے کہ ایک لفظ جو آپ انگریزی کا استعمال کررہے ہیں، اگر آپ وہی لفظ اُردو کا استعمال کریں تو لوگوں (خصوصاً وہ جن کو انگریزی کی سمجھ بوجھ نہیں ہے) کو آسانی سے سمجھ آجائے گی. اُردو کے الفاظ استعمال کرنے سے یہ زبان ترقی بھی پائے گی اور اِس کی ترقی ہمارے لئے باعث فخر و عزت ہے. آپ تمام دوستوں سے گزارش ہے کہ انگریزی الفاظ کے متبادل اُردو الفاظ استعمال کیا کریں. کچھ عمومی الفاظ کی فہرست مندرج ذیل ہے:
Internet : جالبین (جال + بین | جالِ بین)
Web : حبالہ
World Wide Web: حبالہ محیط عالم
Software: مصنع لطیف
Hardware: مصنع کثیف
Application: نفاذیہ
Application Software : نفاذی مصنع لطیف
Log : نوشتہ
Log In : داخل نوشتہ
Log Out: خارج نوشتہ
Size : جسامت
Font : اندازِ خط / رسم الخط / خط
Hard Disk: قرص کثیف
Forum : چوپال
Option: اختیار
Options: اختیارات
Tag: دھجی
Keyboard: تختۂ کلید
Operating System: عملیاتی نظام
Computer: شمارندہ / حاسب
Network: جالکار (جال + کار | جالِ کار )
Portal: آستانہ / چوکھٹ / بوابہ
Post : چسپانہ
Arcade : رواق

اگر آپ کے ذہن میں سوال اُبھر رہا ہے کہ اگر ہم ایسی اُردو استعمال کریں گے کسی چوپال پہ (جیسے یہ چوپال) تو کسی کو سمجھ نہیں آئے گی. تو جواب یہ ہے جناب کہ آپ اگر خالصاً اُردو استعمال کریں گے تو لوگوں کو وُہ اُردو سیکھنی ہوگی. اِس کیلئے آپ ایک حصّہ اپنے چوپال میں مخصوص کرسکتے ہیں جہاں اِن اِصطلاحات اور اُن کی معنی کو درج کیا گیا ہو. جب ایک صارف اِن اصطلاحات کو دیکھے گا تو وہ پھر اِنہی کو استعمال کرے گا. اِس طرح ہم بھی یہ دعویٰ کرنے کے قابل ہوجائیں گے کہ ہماری قومی زبان انگریزی سے کم نہیں.
نوٹ: مندرجہ بالا اِصطلاحات کی طرح آپ کو اور بھی کئی جدید اِصطلاحات اُردو ویکیپیڈیا سے مل سکتی ہیں. پتہ ہے: http://ur.wikipedia.org
آئیے! اُردو کا استعمال کرکے اپنی محبّ وطنی کا ثبوت دیں.

محبوب عالم

تعجب ہے اُردو خوانوں پر کہ اُردو کے اصل مآخذ کو جانتے ہوئے بھی اُسے نظر انداز کرنے پر تُلے ہوتے ہیں. ایک اَور اُردو چوپال پر میں نے اِس موضوع پر بحث شروع کی تو ایک صاحب نے یہی بات کی کہ انگریزی کو استعمال کرنے میں کیا خرج ہے تو میں نے صرف ایک مثال پر اِکتفاء کیا کہ اگر آپ ایک جملے کو دو طرح سے لکھیں گے تو اُس میں اصل اُردو کونسی ہوگی؟ ملاحظہ فرمائیے:
پہلا طرز: اُردو میں بہت سے عربی اور فارسی کے الفاظ استعمال ہوتے ہیں.
طرزِ دوم: اُردو میں بہت سے اَربِک اور پرژن کے ورڈز یُوز ہوتے ہیں.
اَب آپ خود ہی بتائیے اصل اُردو کونسی ہے؟ وُہ جملہ جو عربی زدہ ہے یا وہ جو انگریزی زدہ؟
بھئی بات واضح ہے. اُردو کے اصل مآخد عربی، فارسی اور سنسکرت ہیں. ایک صاحب نے یہ کہا کہ اُردو سے اگر آپ انگریزی نکالنے پر تُلے ہوئے ہیں تو اِس سے پھر ساری بیرونی زبانیں نکال لیں یعنی عربی، فارسی اور سنسکرت بھی پھر تو آپ اپنا نام لکھنے کے بھی قابل نہ رہیں گے. تو میں نے عرض کی کہ بھائی انگریزی جو کہ بین الاقوامی زبان سمجھی جاتی ہے وُہ بھی ساری فرانسیسی، یونانی اور لاطینی سے بنی ہے. اُس میں سارے سائنسی الفاظ و اِصطلاحات اِنہی زبانوں سے مآخوذ ہیں. اِس طرح تو اگر انگریزی سے بھی یہ تینوں زبانیں نکال لیں تو وہ بین الاقوامی زبان تو کیا انگریزوں کی بھی زبان رہنے کے بھی قابل نہ رہے گی.

جہاں تک لفظ ‘‘ترتاش’’ کا تعلق ہے. یہ ‘‘لیزر’’ کو کہتے ہیں. جناب اگر آپ ذرا علم و دانش رکھتے ہوں تو آپ کو معلوم ہوگا کہ انگریزی لفظ لیزر پانچ بڑے الفاظ کا مخفف ہے یعنی Light Amplification by Stimulated Emission of Radiation. اب اگر آپ اِسی لفظ laser کو استعمال کریں گے تو یہ اُردو کے ساتھ نا اِنصافی ہوگی کیونکہ یہ جو الفاظ سے بنا ہے وُہ الفاظ نہ تو اُردو کے ہیں نہ عربی کے نا فارسی اور نہ سنسکرت کے. تو آپ کیسے وضاحت کریں گے کہ لیزر کسے کہتے ہیں؟ اِس کی بنسبت ترتاش مکمل اُردو لفظ ہے. جو کہ ‘‘تضخیمِ روشنی بہ تنبیہی اشہارِ شعاع’’ سے مخفف کیا گیا ہے. اب اِس لفظ کی وضاحت آپ کرسکتے ہیں بلحاظ تضخیم، روشنی، تنبیہہ، اشہار اور شعاع کے. آپ خود ہی بتائیے کہ ایک عام آدمی radiation کو جانتا ہے یا ‘‘شعاع’’ کو؟ ہمیں لیزر اِس لئے آسان لگتا ہے کہ اِس کیلئے ابتداء سے ہی اُردو میں کوئی متبادل استعمال ہی نہیں ہوا. اور ہم اِسی لفظ لیزر کو ہی استعمال کرتے چلے آرہے ہیں اِس لئے ہم اِس سے اتنے مانوس ہوچکے ہیں کہ یہ ہمیں اپنی زبان کا لفظ لگتا ہے.

محبوب عالم

جی بہن! میں نے جو الفاظ لکھے ہیں وہ عربی اور فارسی کے نہیں بلکہ اُن کے الفاظ سے ماخوذ ہیں. انگریزی میں جو اِصطلاحات استعمال ہوتی ہیں وہ بھی تو لاطینی، فرانسیسی اور یونانی سے ماخوذ ہیں. لفظ کمپیوٹر کو ہی دیکھ لیجئے یہ لاطینی کے computare سے ماخوذ ہے، لیکن لاطینی میں یہ اِس مقصد کیلئے استعمال نہیں ہوتا جس طرح انگریزی میں ہے. اُردو میں semiconductor کو ‘‘ نیم موصل ’’ کہاجاتا ہے، یہ اِصطلاح عربی اور فارسی دونوں سے ماخوذ ہے لیکن عربی اور فارسی میں سیمی کنڈکٹر کو ‘‘نیم موصل’’ نہیں کہا جاتا.

مقتدرہ قومی زبان صرف نام ہے، کام کچھ نہیں. بہت سے الفاظ کیلئے اُردو میں متبادل ہونے کے باوجود بھی وہ اُن کو استعمال نہیں کرنا چاہتے.

یہی تو بات ہے کہ ہم اُردو بولتے ہی نہیں. انگریزی کے الفاظ بولنے سے وُہ اُردو نہیں بن جاتی.

محبوب عالم

شاید آپ اُردو ویکی پر کام کرچکے ہیں اِسی لئے تو آپ سمرقندی صاحب کے بارے میں جانتے ہیں. آپ کا اسمِ صارف کیا تھا اُردو ویکی پر؟

جناب! اگر سمرقندی صاحب نہ ہوتے تو اب تک اُردو ویکی کا پتہ نہیں کیا حشر ہوچکا ہوتا. ﷲ اُن کی عمر دراز فرمائیے! آج اُنہی کی کاوشوں کا نتیجہ ہے کہ اُردو ویکی اُردو میں لکھی جارہی ہے نا کہ انگریزی میں. اگر اُردو ویکی پر انگریزی ہی لکھنا مقصود ہوتا تو پھر انگریزی ویکیپیڈیا موجود ہے اُردو ویکی پیڈیا کی کوئی ضرورت ہی نہیں.

سیپ

یہ تو چیٹنگ ہے
،،،،،،،،،،،،،،،،،،،،،،،،،

عبدالقدوس

کس نے کہا؟؟؟؟؟؟؟؟؟؟؟؟؟؟؟؟؟؟؟؟؟؟ ؟

سیپ

میں نے کہا
کیونکہ ترتاش دیکھنے کے لیئے میں بھی گوگل پر جاسکتی تھی مگر میں نہیں گئی

عبدالقدوس

یہ تحقیق ہے آپ اپنے سوال کو گوگل میں‌ آزمالیں اگر آپ کو جواب مل گیا تو پھر اس کو میں بھی چیٹنگ مان لوں گا

__________________

سیپ

نہیں اٹس اوکے
اب تم میرے ٹیچر ہو کاگی کچھ سیکھا ہے تم سے اس لیئے جاؤ معاف کیا

عبدالقدوس

اب ڈانٹو

سیپ

مت بھولو کہ میں تم سے بڑی ہوں

عبدالقدوس

وزن تو میرا ہی زیادہ ہے نا

سیپ

عقل بھی تمھاری ہی زیادہ ہے
۔۔۔۔۔۔۔۔۔۔۔۔۔۔۔۔۔۔۔۔۔

عبدالقدوس

اسی لیے کہتا ہوں آٹے کی روٹی کھایا کرو سینڈوچ نہیں

محبوب عالم

آپ ایک سنجیدہ موضوع کا مذاق اُڑا رہے ہیں. جس طرح مغرب والے اُن تمام زبانوں پر ہنستے ہیں جو اسلامی پس منظر رکھتی ہیں اُسی طرح آپ بھی ہماری قومی زبان کو ترقی کرتا ہوا نہیں دیکھ سکتے. وہ لوگ ہماری زبانوں کو اِسی طرح پسماندہ رکھ کر ہماری ترقی میں رُکاوٹیں ڈال رہے ہیں. خوابِ غفلت سے بیدار ہوجاؤ بھائیو اور بہنو! دوسروں کی چیزوں اور زبانوں پر انحصار کرنے والی قوم کبھی بھی ترقی کی راہ پر گامزن نہیں ہوسکتی.

عبدالقدوس

یہ بٹن بھی انگریزی کا لفظ ہے میاں جی