محبوب عالم

آج کل ہر جگہ یہ سننے کہ ملتا ہے کہ اُردو چوپال خانے بہت زیادہ ہوگئے ہیں اور اُردو زبان کیلئے بہت کام ہورہا ہے. لیکن جب میں نے اِن چوپال خانوں کی زیارت کی تو میں حیران رہ گیا کہ یہاں تو اُردو زبان کی کوئی چیز ہے ہی نہیں، بلکہ انگریزی کو اُردو رسم الخط میں لکھ دیا جاتا ہے اور یہ دعویٰ کیا جاتا ہے کہ یہ انٹرنیٹ پر اُردو کا استعمال ہے. ایک اور بات جو یہ اُردو چوپال خانوں کے منتظیم کرتے ہیں وہ یہ کہ ہمارے ہاں بہت سے لوگ انگریزی لکھ پڑھ یا سمجھ نہیں سکتے لہٰذا ہمیں اُردو ہی کو انٹرنیٹ (کمپیوٹر) پر استعمال کرنا چاہئیے. یہاں ایک بار پھر میرا سر شرم سے جھُک جاتا ہے کہ اَب بھی وہی لوگ کمپیوٹر کو نہیں سمجھ سکتے کیونکہ وہی انگریزی آپ اُردو رسم الخط میں لکھ رہے ہیں، کچھ تبدیلی واقع نہیں ہوئی. ہونا تو یہ چاہئیے کہ ایک لفظ جو آپ انگریزی کا استعمال کررہے ہیں، اگر آپ وہی لفظ اُردو کا استعمال کریں تو لوگوں (خصوصاً وہ جن کو انگریزی کی سمجھ بوجھ نہیں ہے) کو آسانی سے سمجھ آجائے گی. اُردو کے الفاظ استعمال کرنے سے یہ زبان ترقی بھی پائے گی اور اِس کی ترقی ہمارے لئے باعث فخر و عزت ہے. آپ تمام دوستوں سے گزارش ہے کہ انگریزی الفاظ کے متبادل اُردو الفاظ استعمال کیا کریں. کچھ عمومی الفاظ کی فہرست مندرج ذیل ہے:
Internet : جالبین (جال + بین | جالِ بین)
Web : حبالہ
World Wide Web: حبالہ محیط عالم
Software: مصنع لطیف
Hardware: مصنع کثیف
Application: نفاذیہ
Application Software : نفاذی مصنع لطیف
Log : نوشتہ
Log In : داخل نوشتہ
Log Out: خارج نوشتہ
Size : جسامت
Font : اندازِ خط / رسم الخط / خط
Hard Disk: قرص کثیف
Forum : چوپال
Option: اختیار
Options: اختیارات
Tag: دھجی
Keyboard: تختۂ کلید
Operating System: عملیاتی نظام
Computer: شمارندہ / حاسب
Network: جالکار (جال + کار | جالِ کار )
Portal: آستانہ / چوکھٹ / بوابہ
Post : چسپانہ
Arcade : رواق

اگر آپ کے ذہن میں سوال اُبھر رہا ہے کہ اگر ہم ایسی اُردو استعمال کریں گے کسی چوپال پہ (جیسے یہ چوپال) تو کسی کو سمجھ نہیں آئے گی. تو جواب یہ ہے جناب کہ آپ اگر خالصاً اُردو استعمال کریں گے تو لوگوں کو وُہ اُردو سیکھنی ہوگی. اِس کیلئے آپ ایک حصّہ اپنے چوپال میں مخصوص کرسکتے ہیں جہاں اِن اِصطلاحات اور اُن کی معنی کو درج کیا گیا ہو. جب ایک صارف اِن اصطلاحات کو دیکھے گا تو وہ پھر اِنہی کو استعمال کرے گا. اِس طرح ہم بھی یہ دعویٰ کرنے کے قابل ہوجائیں گے کہ ہماری قومی زبان انگریزی سے کم نہیں.
نوٹ: مندرجہ بالا اِصطلاحات کی طرح آپ کو اور بھی کئی جدید اِصطلاحات اُردو ویکیپیڈیا سے مل سکتی ہیں. پتہ ہے: http://ur.wikipedia.org
آئیے! اُردو کا استعمال کرکے اپنی محبّ وطنی کا ثبوت دیں.

فاروق سرورخان

اردو کو اردو ہی رہنے دو بھائی ۔ اردو کا عربا اور فارسا نہ پکاؤ۔ اردو پر " انگریجی " تڑکا کچھ ارہر کی دال پر گھی کے تڑکے کا "مجا" دیوے ہے

__________________
فاروق سرور خان
ترے ضمیر پہ جب تک نہ ہو نزول کتاب
گرہ کشـا ہے نـہ رازی نـہ صـا حب کشـاف

حیدر

ہائے افسوس۔ اس جگہ تو میرا پسندیدہ کام یعنی بحث ہو رہی تھی میں ادھر کیوں نہ ایا اب تک۔

خیر جو بنائے بحث تھی وہ ہی حذف ہوئی تو اس کو کیا رگیدنا، جو موجود ہے اسی کو تختہ ستم بنا لیتے ہیں۔

ارے الیاس بھائی ۔ ۔ ۔ وہ حمایتی ہی کیا جوآپس میں ایک نہ ہوں۔ پتا کیسے چلے گا کہ اسکی حمایت کر رہے ہیں۔ ایک مرتبہ میرے ایک دوست نے میرے کسی معاملہ پر میری حمایت کی۔ اور میری حمایت میں ایسی ایسی دلیلیں لایا، ایسے ایسے واقعات بیان کیے کہ میں جو وجہ بحث تھا وہی دنگ تھا۔ اکثر باتوں کا مجھے پتا ہی نہ تھا۔ تو ایسے بھی حمایتی ہوتے ہیں۔

حیدر

باوجود اس بات کے کہ مجھے شافریشہ بھائی اچھے لگتے ہیں مین یہ کہے بغیر نہیں رہ سکوں گا کہ
شافریشہ بھائی کی اس پوسٹ کا کیا جواب دیں یا کیا تبصرہ کریں ۔ اس پوسٹ کی بنیاد یا وجہ ہی موجود نہیں۔ اس لیے اب تو اسکا کوئی سر پیر ہی نظر نہیں آ رہا کہ کیا بات ایک شخص نے کس پیرائے میں کہی اور دوسرے نے جو جواب دیا وہ کس پیرائے میں تھا۔۔ کس کو حق پر ٹھہرائیں اور کس کو ناحق۔ کس کی کس بات کی تائید کریں اور کس بات کی تردید۔ میں اس فورم کے اس معاملہ سے کچھ کچھ تنگ ہوں ۔کئی جگہ یہ معاملہ معمہ بن جاتا ہے۔ میرا خیال ہے کہ اگر لہجہ سخت ہو تو پوسٹ کو دیلیٹ کرنے کے بجائے درگزر سے کام لینا چاہیے۔ تاکہ بعد میں انے والے غیر جانبدار خود ہی فیصلہ کر لیں کہ کون کیا کہہ رہا تھا اور کیسا کہہ رہا تھا۔

حیدر

آپکی یا اس حصہ کی دوسری پوسٹ ہے جس کو اب تک میری عقل شریف سمجھ پائی ہے۔ اس لیے اسی پر اکتفا کرتا ہوں۔ الیاس بھائی آپ نے بجا فرمایا۔ ارے بابا ٹھیٹھ انگریزی کیا ۔ ۔ ۔ فرانسیسی سیکھو، چینی زبان سیکھو،سنسکرت سیکھو، مینڈالین سیکھو،WU سیکھو یا YueسیکھوMinسیکھو یا اوریا زبان سیکھو ۔ ۔ ۔ لیکن اپنی زبان کو انکی دستبرد سے بچاؤ۔ ایسے نہ ہو کہ کوا چلا ہنس کی چال اپنی بھی بھول گیا والا حال ہو جائے۔
بلکہ میں کہتا ہوں کہ انکو بعد میں سیکھو پہلے اپنی زبان تو سیکھ لو۔

حیدر

آخر میںً اس ٹاپک کی بات۔ تو باوجود اردو طبقہ تعلیم کا پروردہ ہونے اور اسکی ترویج کا حامی ہونے کے ۔ ۔ ۔ میں اس ٹاپک کے کچھ حصوں سے بوجوہ اختلاف کرتا ہوں۔

اخترحسین

السلام علیکم

محبوب عالم بھائی اتنی مشکل اردو کم از کم میں کبھی نہیں‌بول سکتا۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔معذرت