ھارون اعظم

جزاک اللٰہ خیراً۔ واقعی اچھی تحریر ہے۔ البتہ میرے ذہن میں ایک سوال ہے کہ آج کل جس طرح ہمارے کچھ علماء کرام آپس کی فروعی اختلافات کی بنیاد پر دشمنیاں پال رہے ہیں، کیا اس سے ان کی نیک نامی پر اثر نہیں پڑے گا؟ اور اس صورت میں عوام، جن کو زیادہ علم نہیں ہوتا، ان کو اس طرح کی لڑائیوں میں استعمال کرنا جائز ہے کیا؟

میں علماء کا نہایت قدردان ہوں۔ صرف اپنے علم میں اضافے کے لئے پوچھ رہا ہوں۔ شکریہ

__________________


http:// haroonazam.wordpress.com

ھارون اعظم کا بلاگ۔

عادل سہیل

السلام علیکم ورحمۃ اللہ و برکاتہ ،
جزاک اللہ خیرا بھائی ھارون اعظم ،
کسی بھی دو مسلمانوں کو آپس میں کسی سبب سے دشمنی نہیں‌پالنی چاہیے ، ہر مشکل کا علاج ہماری شریعت میں موجود ہے ،
عُلماء کرام کے اختلافات بالخصوص فروعی مسائل میں اختلافات قطعا ایسا سبب نہیں‌ ہیں‌ جس کی بنا پر مسلمانوں میں دشمنی ہو جائے ،
جو عُلماء مسلمانوں کو ایسے مسائل کی بنا اس طرح ایک دوسرے سے الجھا دیتے ہیں کہ وہ ایک دوسرے کے دشمن بن جائیں میں تو ایسے عُلماء کو عُلماء سوء میں‌ سے سمجھتا ہوں ،
کوئی عالمء حق دوسروں سے اپنے اختلافات کے سبب کہیں دو مسلمانوں کے درمیان دشمنی پیدا کرنے کی کوشش نہیں کرتا ، بلکہ اختلافات کو دلائل کی روشنی میں‌ واضح کرنے کی کوشش کرتا ہے ،
ہم جیسے عام لوگوں کو بھی چاہیے کہ ہم سچی لگن کے ساتھ اللہ تعالیٰ سے حق کے حصول کی دعا کرتے ہوئے عُلماء کے اختلافات کو مقبول شرعی دلائل کی روشنی میں‌ سجھنے کی کوشش کریں اور کسی دوسرے کلمہ گو کے لیے اپنے دل میں‌کوئی بغض‌ نہ رکھیں ، جب تک یہ ثابت نہ ہو جائے کہ وہ غلطی کو غلطی سمجھ چکنے کے بعد بھی کسی تعصب کی بنا پر اس پر قائم ہے،
اللہ تعالیٰ ہم سب کو ایک دوسرے کے حقوق کی پہچان اور احترام اور ادائیگی کی ہمت دے ، و السلام علیکم۔

کنعان

السلام علیکم و رحمۃ اللہ و برکاتہ

جزاک اللہ خیر عادل بھائی

میں ایسے ہی موضوع اور مضمون کی تلاش میں تھا بہت عرصہ سے بہت اچھی طرح آپ نے سب پہلو آسانی سے سمجھائے ہیں۔ جزاک اللہ

بہت سے لوگ جو دینی مدرسہ تو دور کی بات ھے طالب علم بھی نہیں ہوتے، جو اپنے آئیڈیل علامہ کو ہی افضل جانتے ہیں اور اپنی کم عقلی سے دوسرے علماء کرام کا احترام نہیں کرتے اور ان پر بہتان لگا دیتے ہیں یہ بات کچھ اچھی نہیں لگتی، ہونا یہ چاہئے کہ دونوں کی بات کو سنا جائے اور جس کی بات آپ کے ذہن میں آتی ھے اسے قبول کریں اور جس کی بات آپ کے ذہن میں نہیں آتی تو اس کو برا بھلا یا بہتان نہ لگایا جائے۔

مجھے آپ کی طرف سے لکھی ہوئی تحریر بہت اچھی لگی جزاک اللہ۔

والسلام علیکم و رحمۃ اللہ و برکاتہ

__________________

ھارون اعظم

جزاک اللٰہ عادل صاحب۔ میں نے اپنے مشاہدات کی بناء پر یہ سوال کیا تھا۔ ایسی صورتحال دیکھ کر عام آدمی تو بہت مایوس ہوجاتا ہے۔ آپ نے صحیح رہنمائی کی۔

عادل سہیل

وعلیکم السلام و رحمۃ اللہ و برکاتہ ،
اللہ تعالیٰ آپ کو بھی بہترین اجر سے مالا مال فرمائے ، کنعان بھائی کافی عرصے بعد آپ کو اپنے پاس دیکھ کر بہت خوشی ہو رہی ہے ، اللہ تعالیٰ آپ کو اپنی حفاظت میں رکھے ،
کنعان بھائی اللہ تعالیٰ اگر مجھے کسی خیر کی توفیق دیتا ہے تو یہ سب اور صرف اسی کی مہربانی اور اسی کا کرم ہے ، اور شاید اس کے اسباب میں آپ جیسے بھائیوں کی دعائیں بھی ہوں ،
اللہ تعالیٰ ہمیں اپنے ہر مسلمان بھائی اور بہن کی عزت کا احترام کرنے اور اس کے حقوق ادا کرنے کی توفیق دے ،
اپنی دعاوں میں یاد رکھیےگا کنعان بھائی ، و السلام علیکم و رحمۃ اللہ و برکاتہ ۔

عادل سہیل

السلام علیکم ورحمۃ اللہ و برکاتہ،
اللہ تعالیٰ آپ کو بھی بہترین اجر سے نوازے ، بھائی ہارون اعظم ،
اگر اللہ تعالیٰ نے مجھ سے آپ کے لیے کسی راہنمائی کا کام لیا ہے تو یہ محض ہم دونوں پر اس کا کرم ہے کہ اُس نے آپ کو سوال کی توفیق دی اور مجھے ایسے جواب کی جو ان شاء اللہ درست بھی ہے ، اور آپ کی تشفی کا سبب بھی، و السلام علیکم۔

شاہ جی 90

اسلام و علیکم دوستو
عادل سہیل بھائی کے حکم کے مطابق
فلموں کی حرمت نامی تھریڈ میں اپنی جانب سے پوسٹ کیا گیا ایک مراسلہ یہاں پوسٹ کر رہا ہوں
میں نے اسلام پر اسپیشلائزیشن تو نہیں کی ہوئی
اور نہ ہی میرا علم ایک عالم کے برابر ہے
لیکن پاکستان کی ایک مانی ہوئی یونیورسٹی سے ماسٹرز کی ڈگری لے رکھی ہے اور حالات نے اجازت دی تو طلب علم کی تسکین کے لیئے مزید پڑھنے کا ارادہ بھی ہے ۔
سوال پہلا تو یہ ہے کہ عالم کون ہوتا ہے ، کیا ڈاکٹر عبدالقدیر خان سے لے کر پروفیسر ڈاکٹر محمود اعوان تک اور ڈاکٹر اسرار سے لے کر ڈاکٹر شاہد مسعود تک یہ تمام کے تمام اپنے شعبہ ہائے کے نابغے ہیں کیا یہ عالم نہیں کہلائیں گے ، اور ان کا علم علم نہیں ہے ، عالم علم رکھنے والے ہی کو کہتے ہیں نا
تو ایک بات صاف کر لیں کہ اگر عالم صرف مذہبی علم رکھنے والا کہلاتا ہے تو دیگر تمام علوم کی نفی تو یہیں سے ہو گئی ، اور یہی وہ سازش ہے جو کہ ہمیں گھیرے ہوے ہے اور آج تک ہم اس چکر سے باہر نہیں آ سک رہے ۔
علما کتنی معتبر ہستیاں ہیں کہ ان پر اعتراض نہیں ہو سکتا ، جبکہ ایک بدو خلیفہ وقت جن کے عالم ہونے میں کوئی شبہ نہیں بلکہ ایک عالم سے کہیں زیادہ ان کا رتبہ ہے سے جواب طلب کرتا ہے اور وہ بھی ایسے توہین آمیز انداز میں کہ اگر کوئی ظالم حکمران ہوتا تو وہیں اس بدو کی گردن زنی کا حکم دے دیتا ۔
اب ایک جھلک ان علما کی بھی دیکھہ لیں ، جن کی اس قدر عزت ہے کہ ان کے خلاف زرا سی بات بھی برداشت نہیں کی جا سکتی ۔
مولانا طوفانی ایک بار ایک جلسہ عام سے خطاب کر رہے تھے ، انہوں نے آدھے گھنٹے میں اپنی طرف سے یہ ثابت کر دیا کہ حضور پاک ہماری بات نہیں سن سکتے اور اسلام میں ہم انہیں زیادہ سے زیادہ احترام اگر دے سکتے ہیں تو ۔ ۔ ۔ ۔
نقل کفر کفر نہ باشد کے تحت ان کا قول یہاں نقل کر رہا ہوں کہ
جیسے ہم اپنے بڑے بھائی کا احترام کرتے ہیں ۔
خاص طور پر انہوں نے یہ نقطہ اٹھایا تھا کہ یا رسول اللہ کہنا اور نعتوں کی محفل سجانا ناجائز ہے کیوں کہ حضور پاک اسے نہیں سن سکتے ، ساتھ ہی انہوں نے یہ بھی کہا کہ بے شک آپ روزہ رسول پر جا کر سلام بھیجو وہ نہیں سن سکتے ، یہ تقریر کرتے ہوے وہ جوش میں آ گئے اور حاضرین کو ڈانٹتے ہوے کہا کہ ان میں وہ جوش و خروش نظر نہیں آ رہا جو اس قدر پیاری تقریر پر نظر آنا چاہئیے تھا ، ساتھ ہی دونوں ہاتھ فضا میں بلند کئیے اور کہا تھوڑا سا جلال یا شیخ القرآن تھوڑا سا جلال ، اب یہ بھی جان لیں کہ وہ یہ تھوڑا سا جلال کس سے مانگ رہے تھے ، شیخ القرآن سے مراد مولانا غلام اللہ تھے جن کے جلال اور مقررانہ صلاحیتوں کے قصیدے وہ پڑھ چکے تھے اور جن کو فوت ہوے زمانہ گزر چکا تھا ،
ان کی اس بات پر بہت سے لوگ میدان سے اٹھ کر چلے گئے اور دوسرے دن ان کے مسلک کے لوگوں کی زبان پر یہ سوال تھا کہ حضور پاک کو تو یا کہنا درست نہیں کیوں کہ وہ نہ تو اس کو سنتے ہیں اور نہ ہی مدد کے لیئے تشریف لاتے ہیں تو یہ شیخ القرآن کیا قبر سے اٹھ کر ان کی مدد کے لیئے آئیں گے
یاد رہے کہ ہم نے واقعہ کے شاہد ہونے کی حیثیت سے جو کچھ سنا اور دیکھا وہ بغیر کسی فرق کے یہاں لکھ دیا ۔
ویسے بھی ہمارے ایک مولوی دوست جو کہ علم حدیث کی طلب میں شہر شہر مارے مارے پھرتے ہیں ، ان کی سنائی ہوئی ایک حدیث ہمیں یاد آ رہی ہے کہ ایک وقت ایسا آئے گا جب علما جہنم کے دروازوں میں کھڑے ہو کر لوگوں کو کھینچ کھینچ کر جہنم میں پھینکیں گے ۔
آپ کی مدلل رائے کا انتظار رہے گا
اگر کوئی بات بری لگے تو پیشگی معزرت خواہ ہوں

عادل سہیل

و علیکم السلام ورحمۃ اللہ و برکاتہ ،
جزاک اللہ خیرا ، بھائی شاہ جی ، آپ نے میری درخواست قبول فرمائی اور اللہ آپ پر راضی ہو اور آپ کو بہترین اجر عطا فرمائے ،
اللہ تبارک و تعالیٰ آپ کو زیادہ سے زیادہ علمء نافع عطاء فرمائے ،
بھائی شاہ جی آپ کے اس سوال کا جواب اس دھاگے کے بنیادی مضمون میں موجود ہے :::
شاہ جی ، آپ نے جن صاحبان کے نام ذکر کیے ہیں صرف وہی کیا ہر وہ شخص جو کسی بھی علم کا حامل ہو لغوی طور پر عالم کہلائے گا ، یہاں اور فلموں والے دھاگے میں‌بھی ہماری گفتگو لغوی طور پر عالِم کہلائے جا سکنے والے لوگوں کے بارے میں نہیں ، بلکہ اُن لوگوں کے بارے میں ہے جو اسلامی طور پر عالِم کہلا سکتے ہوں ، اور کہلاتے ہوں ،
یوں بھی سارے ہی مسلم معاشروں میں آج تک لفظ """ عالِم """ کا عام اور پہلا مفہوم """ اسلامی علوم کا حامل """ جانا جاتا ہے ، اس لیے جب کوئی بھی مسلمان """ عالِم """ کہتا یا لکھتا ہے تو ہر سامع اور قاری کے ذہن میں یہی مفہوم آتا ہے ،
پس اس عام مفہوم کا وجود دُنیاوی علوم کے عالِموں کے عالِم ہونے کا انکار نہیں ،
بھائی شاہ جی ، """ علما کتنی معتبر ہستیاں ہیں کہ ان پر اعتراض نہیں ہو سکتا """ یہ ایک بے دلیل بات ہے ، میں آپ کا ہمنوا ہوں کہ یہ سوچ بالکل درست نہیں ،
بس فرق اتنا ہے کہ دین کے علوم کے حامل شخصیات کے ساتھ ، یا ان کے بارے میں بات کرتے ہوئے ہر مسلمان کو اور خاص طور پر ہم جیسے عامی کو اُس عالِم کی وہ عزت بجا لانی چاہیے جس کا وہ اللہ اور رسول اللہ صلی اللہ علیہ وعلی آلہ وسلم کے فرامین کی روشنی میں حق دار ہے ،
اور صرف عالِم ہی کیا کسی بھی مسلمان اور کسی بھی انسان سے بات کرتے ہوئے ، حتیٰ کہ اس پر اعتراض کرتے ہوئے ہمیں تو اپنی مسلمانی میں کمی نہیں کرنی چاہیے ، یعنی اسلامی اخلاق اور اسلامی احکام کی حدود سے خارج نہیں ہونا چاہیے ،
رہا معاملہ اعتراضات کا تو ظاہر ہے ہے کہ ہر شخص کو کسی بھی عالم کی بات پر کوئی اعتراض کرنے سے پہلے اتنا ضرور سیکھ لینا چاہیے کہ وہ کس دلیل کی بنا پر اعتراض کر رہا ہے ،
اگر اعتراض محض اس کی اپنی رائے سوچ و سمجھ اور چند نا مکمل یا غیر مصدقہ معلومات و اطلاعات کی بنا پر ہے تو اسے ایک اچھے مسلمان کی طرح اس وقت تک خاموش رہنا چاہیے جب تک کہ وہ اعتراض کرنے کے لیے علم حاصل نہ کرلے ،
اور اگر وہ اس کی صلاحیت یا استظاعت نہیں رکھتا اور اعتراض کرنے سے صبر بھی نہیں کر سکتا تو اسے چاہیے کہ وہ اپنا مشاھدہ کسی صاحب علم کے پاس لے جائے اور اس سے مدد طلب کرے،
بھائی شاہ جی اس کے بعد اتنی تفصیلات بیان ہو سکتی ہیں جن کے لیے میرے پاس فی الحال وقت نہیں‌، تین چار دن میں مجھے بھائی عابد عنایت صاحب کے لیے کچھ جوابات لکھنے ہیں اور اس کے بعد اگلے دس دن اپنے ماہانہ پراجیکٹ کی تکمیل میں لگ جإیں گے اس لیے معذرت خواہ ہوں اور اللہ سے دعا کرتا ہوں کہ اللہ اتنے ہی الفاظ کو آپ کے لیے آپ کے سوال کا شافی جواب بنا دے ،
اور اللہ نہ کرے کہ اگر ایسا نہ ہو ، تو بھی میرے بھائی بلا تکلف اپنے سوال اور اشکال سامنے لایے گا ، ان شاء اللہ جواب ملے گا ، میں نہ دے سکا تو ان شاء اللہ کوئی نہ کوئی بھائی یا بہن دے دے گا ،
بھائی شاہ جی آپ کے بیان کردہ اس واقعہ کے بعد یہ کہنا ہی چاہیے کہ """ اِنا للہ و اِنا الیہ راجعون """
بھائی شاہ جی ، آپ نے اپنے دوست کی سنائی ہوئی جس حدیث کا ذکر کیا ہے غالبا اس میں کہیں سننے سنانے میں‌کچھ اونچ نیچ ہو گئی ہے ، یہ حذیفہ ابن الیمان رضی اللہ عنہ کی روایت کردہ حدیث ہے جس میں ایسے لوگوں کا ذکر ہے جو جہنم کے دروازوں پر گھڑے ہوں گے اور جو ان کی بات مانے گا اسے جہنم میں دھکیل دیں گے ،
یہ حدیث مکمل طور پر میری زیر تیاری کتاب """ مثالی شخصیات """ میں حذیفہ بن الیمان رضی اللہ عنہما کے ذکر میں موجود ہے ،
وہاں سے یہاں نقل کیے دیتا ہوں :::
""""""" آیے یہاں ہم حذیفہ رضی اللہ عنہ ُ کی بیان فرمائی ہوئی ایک حدیث کا مطالعہ کرتے ہیں جو رسول اللہ صلی اللہ علیہ وعلی آلہ وسلم کی طرف سے اپنی اُمت کے لیے ایک بہترین سبق ہے اور اسلام کے نام پر گمراہی پھیلانے والوں کی ، اور مسلمانوں میں جماعت سازی کی حقیقت بیان کرنے والی ہے :::
((((( كان الناس يَسْأَلُونَ رَسُولَ اللَّهِ صلی اللَّہُ علیہ وعلی آلہ وسلم عن الْخَيْرِ وَكُنْتُ أَسْأَلُهُ عن الشَّرِّ مَخَافَةَ أَنْ يُدْرِكَنِي ::: لوگ رسول اللہ صلی اللہ علیہ وعلی آلہ وسلم سے خیر کے بارے میں سوال کیا کرتے تھے اور میں اُن صلی اللہ علیہ و علی آلہ وسلم سے شر کے بارے میں پوچھا کرتا تھا اس خوف سے کہ کہیں شر مجھے قابو نہ کر لے ( اور میں اسے جانتا نہ ہوں ) ،
فقلت يا رَسُولَ اللَّهِ إِنَّا كنا في جَاهِلِيَّةٍ وَشَرٍّ فَجَاءَنَا الله بهذا الْخَيْرِ فَهَلْ بَعْدَ هذا الْخَيْرِ مِن شَرٍّ ؟::: پس میں نے عرض کی اے اللہ کے رسول ہم جہالت اور شر کی حالت میں تھے تو اللہ ہمارے پاس یہ خیر ( یعنی اسلام) لے کر آیا تو کیا اس خیر کے بعد شر میں سے کچھ ہے ؟
قال ((((( نعم ))))) اِرشاد فرمایا ((((( جی ہاں )))))
قلت وَهَلْ بَعْدَ ذلك الشَّرِّ من خَيْرٍ ؟ ::: میں نے عرض کی اور کیا اس شر کے بعد خیر میں کچھ ہے ؟
قال ((((( نعم وَفِيهِ دَخَنٌ ))))) اِرشاد فرمایا ((((( جی ہاں اور اس میں دُھندلاہٹ ہے )))))
قلت وما دَخَنُهُ ؟ ::: میں نے عرض کی اور اُس شر کی دُھندلاہٹ کیا ہے ؟
قال ((((( قَوْمٌ يَهْدُونَ بِغَيْرِ هَدْيِي تَعْرِفُ منهم وَتُنْكِرُ ))))) اِرشاد فرمایا ((((([اس کی دُھندلاہٹ ] ایسی قوم ہو گی جو میری دی ہوئی ہدایت کے عِلاوہ ہدایت اختیار کرے گی تُم انہیں پہچانو گے بھی اور ان پر انکار بھی کرو گے )))))
قلت فَهَلْ بَعْدَ ذلك الْخَيْرِ من شَرٍّ ؟ ::: میں نے عرض کی، تو کیا اُس خیر کے بعد شر میں سے کچھ (اوربھی ) ہو گا ؟ ،
قال ((((( نعم دُعَاةٌ على أَبْوَابِ جَهَنَّمَ من أَجَابَهُمْ إِلَيْهَا قَذَفُوهُ فيها ))))) اِرشاد فرمایا ((((( جی ہاں ، [ اسکے بعد یہ شر ہو گا کہ ] ایسے لوگ ہوں گے جو جہنم کے دروازوں پر سے کھڑے ہو کر (بظاہر اسلام کی ) دعوت دیں گے جو کوئی ان کی بات قبول کرے گا اسے وہ جہنم میں گاڑ دیں گے )))))
قلت يا رَسُولَ اللَّهِ صِفْهُمْ لنا ::: میں نے عرض کی، اے اللہ کے رسول ہمیں ان کی نشانی بتایے ،
قال ((((( هُمْ من جِلْدَتِنَا وَيَتَكَلَّمُونَ بِأَلْسِنَتِنَا ))))) اِرشاد فرمایا ((((( وہ ہماری ہی جِلد (یعنی اسلام کے لبادے میں ) ہوں گے اور ہماری ہی زُبانوں میں بات کریں گے )))))
قلت فما تَأْمُرُنِي إن أَدْرَكَنِي ذلك؟ ::: میں نے عرض کی، اگر میں ایسی حالت پاؤں تو آپ مجھے اس کے بارے میں کیا حُکم فرماتے ہیں ؟ ،
قال ((((( تَلْزَمُ جَمَاعَةَ الْمُسْلِمِينَ وَإِمَامَهُمْ ))))) اِرشاد فرمایا ((((( مسلمانوں کی جماعت اور ان کے اِمام کے ساتھ مضبوطی سے لگے رہو )))))
قلت فان لم يَكُنْ لهم جَمَاعَةٌ ولا إِمَامٌ؟ ::: میں نے عرض کی، اگر (اُس وقت) مسلمانوں کی کوئی جماعت نہ ہو اور نہ ہی کوئی اِمام (تو میں کیا کروں)،
قال ((((( فَاعْتَزِلْ تِلْكَ الْفِرَقَ كُلَّهَا وَلَوْ أَنْ تَعَضَّ بِأَصْلِ شَجَرَةٍ حتى يُدْرِكَكَ الْمَوْتُ وَأَنْتَ على ذلک ))))) اِرشاد فرمایا ((((( اُن تمام فرقوں سے بالکل الگ رہنا خواہ تُمہیں(تنہا زندہ رہنے کے لیے) درخت کی جڑ چوسنا پڑے(اسی طرح اپنا وقت گذارنا) یہاں تک موت تم آن لے اور تُم اسی حال میں ہو ))))) مُتفقٌ علیہ ، صحیح البُخاری /حدیث6673 /کتاب الفِتن /باب 11 ، صحیح مُسلم /حدیث1847/کتاب الأمارۃ /باب13،
اس حدیث پاک میں حذیفہ رضی اللہ عنہ ُ کے شر سے بچے رہنے کے لالچ کے سبب اللہ تعالیٰ نے اپنے رسول صلی اللہ علیہ وعلی آلہ وسلم کی زُبان مبارک سے ہمیں نہ صِرف ایک بہت بڑے شر کی خبر دے دی بلکہ اُس کی پہچان بھی بتا دی اور قیامت تک کے لیے اُس سے بچنے کا حُکم بھی فرما دیا اور صبر اور استقامت کی تعلیم بھی فرما دی ،
وہ فتنہ ایسے لوگ ہیں جو مسلمانوں میں سے ہوتے ہیں اور مسلمانوں کی زُبانوں میں بات کرتے ہیں اور اسلام کی ہی بات کرتے ہیں لیکن اپنی اپنی الگ الگ جماعتیں بنائے رکھتے ہیں ، اور اِسلام کا لِبادہ اوڑھے ہوئے ، اپنی جماعت اور فرقے وغیرہ و ہی درست کہتے ہوئے اس کی اتباع کی دعوت دیتے ہیں حقیقتا وہ لوگ جہنم کے دروازوں پر کھڑے ہوتے ہیں جو کوئی ان کی دعوت قبول کرتا ہے یہ لوگ اس شخص کو جہنم میں داخل کر دینے کا سبب بن جاتے ہیں ، اللہ تبارک و تعالیٰ ہمیں ایسے لوگوں کی پہچان عطا ءفرمائےا ور ان کے شر سے ہمیں اور ہر ایک مسلمان کو محفوظ رکھے """"""" و السلام علیکم ۔

عبداللہ حیدر

السلام علیکم، چچا جی! یہاں جماعت المسلمین اور امام سے کیا مراد ہے؟ کچھ لوگ اسے "جماعت المسلمین" نامی تنظیم سمجھتے ہیں۔

عادل سہیل

و علیکم السلام و رحمۃ اللہ و برکاتہ ،
بوڑھے چچا سے کام کرواتے ہو کیا فإئدہ بھتیجا بننے کا
جواب رسول اللہ صلی اللہ علیہ وعلی آلہ وسلم کے فرمان میں موجود ہے ، ڈھونڈ لو بھتیجے اور مجھے بھی بتاو ، جیڑا بولے اوہو کنڈی کھولے ، و السلام علیکم۔

منتظمین

تو پھر اپ دنیاوی علوم کے ماہرین کے متعلق کیا فرماتے ہیں۔ ان کو علم کو اپ علم ماننے سے انکاری کرتے ہیں؟ اور اس بات کی تائید کرتے ہیں کہ ان کی عزت نہیں‌کی جانی چاہیے؟ کیا اپ اس فلسفے کے حامی ہیں کہ یہ علم نہیں‌یہ تو معلومات ہیں؟

__________________
تم سپاہی نہیں ہو پیشہ ور قاتلو!

عادل سہیل

السلام علیکم ورحمۃ اللہ و برکاتہ ،
منتظمین بھائی اپنے اسلوب کے مطابق سوال کے لیے شکریہ قبول فرمایے ،
اگر آپ نے میرے سابقہ مراسلات بغور پڑھے ہوتے تو شاید یہ سوال نہ کرتے ،
منتظمین بھائی میں‌ نے مراسلہ رقم 1 میں لکھا تھا :::
""""""" ان آیات مبارکہ میں اللہ تعالیٰ نے """ عُلماء """ یعنی """ عِلم رکھنے والے """ لوگوں کی فضیلت بیان فرمائی ، اور یہ بھی بیان فرمایا کہ اللہ کے ہاں """ عالِم """ اسے کہا گیا ہے جو اللہ کی توحید کا """ عِلم """ رکھتے ہوئے اس پر قولی اور عملی طور پر گواہ ہو ،
دُنیاوی عُلوم میں سے کوئی عِلم رکھنے والا لغوی طور پر تو """ عالِم """ کہلائے گا لیکن اسلامی شرعی طور پر نہیں، """""""
اور پھر بھائی شاہ جی کے لیے جواب میں ، مراسلہ رقم 9 میں لکھا تھا :::
""""""" شاہ جی ، آپ نے جن صاحبان کے نام ذکر کیے ہیں صرف وہی کیا ہر وہ شخص جو کسی بھی علم کا حامل ہو لغوی طور پر عالم کہلائے گا ، یہاں اور فلموں والے دھاگے میں‌بھی ہماری گفتگو لغوی طور پر عالِم کہلائے جا سکنے والے لوگوں کے بارے میں نہیں ، بلکہ اُن لوگوں کے بارے میں ہے جو اسلامی طور پر عالِم کہلا سکتے ہوں ، اور کہلاتے ہوں ،
یوں بھی سارے ہی مسلم معاشروں میں آج تک لفظ """ عالِم """ کا عام اور پہلا مفہوم """ اسلامی علوم کا حامل """ جانا جاتا ہے ، اس لیے جب کوئی بھی مسلمان """ عالِم """ کہتا یا لکھتا ہے تو ہر سامع اور قاری کے ذہن میں یہی مفہوم آتا ہے ،
پس اس عام مفہوم کا وجود دُنیاوی علوم کے عالِموں کے عالِم ہونے کا انکار نہیں ، """""""
امید ہے ان اقتباسات میں آپ کو آپ کے سوالات کا جواب مل جائے گا ، و السلام علیکم۔

شاہ جی 90

وہ فتنہ ایسے لوگ ہیں جو مسلمانوں میں سے ہوتے ہیں اور مسلمانوں کی زُبانوں میں بات کرتے ہیں اور اسلام کی ہی بات کرتے ہیں لیکن اپنی اپنی الگ الگ جماعتیں بنائے رکھتے ہیں ، اور اِسلام کا لِبادہ اوڑھے ہوئے ، اپنی جماعت اور فرقے وغیرہ و ہی درست کہتے ہوئے اس کی اتباع کی دعوت دیتے ہیں حقیقتا وہ لوگ جہنم کے دروازوں پر کھڑے ہوتے ہیں جو کوئی ان کی دعوت قبول کرتا ہے یہ لوگ اس شخص کو جہنم میں داخل کر دینے کا سبب بن جاتے ہیں ، اللہ تبارک و تعالیٰ ہمیں ایسے لوگوں کی پہچان عطا ءفرمائےا ور ان کے شر سے ہمیں اور ہر ایک مسلمان کو محفوظ رکھے """"""" و السلام علیکم ۔
اسلام و علیکم بھائی جان
بات تو یہ ہے کہ آج کے دور میں مجھے کوئی ایسا عالم بتا دیں جو کہ اپنے فرقے یا مسلک کی تبلیغ نہیں کر رہا ، یا جو لوگوں کو کھینچ کھینچ کر اپنے مسلک کی جانب لانے کی کوشش نہیں کر رہا ۔
ہاں ہمارے استاد اعلی حضرت مولانا زاہد الحسینی اللہ ان کو جوار رحمت میں جگہ عطا فرمائے ، وہ ہمیشہ کہا کرتے تھے کہ ہم صرف مسلمان ہیں ، یعنی نی تو سنی ہیں نہ وہابی وغیرہ ، ان کے شاگرد اب جہاں جہاں مسجد سنبھالے ہوے ہیں ان کا بھی یہی طریقہ ہے ۔
تو اس پیرا گراف کے مطابق تو تمام علما ہی ۔ ۔ ۔ ۔ ۔ ۔ ۔ ۔۔ ۔ ۔ ۔

منتظمین

زیادہ بہتر یہ ہے کہ اپ واضح‌ طور پر میرے جواب کا سیدھا جواب دیں جو کہ ہم جیسے کم فہموں کی سمجھ بھی آ جائے۔

والسلام