The Great

شعار اپنا ہی جس کا بہانہ سازی تھا
وہ میرے جھوٹ پہ خوش تھا کہ سچ پہ راضی تھا

تمام عمر اسی کے رہے یہ کیا کم تھا
بلا سے عشق حقیقی نہ تھا مجازی تھا

نہ طنز کر کہ کئی بار کہہ چکے تجھ سے
وہ میری پہلی محبت تو میرا ماضی تھا

نہ دوست یار، نہ ناصح، نہ نامہ بر، نہ رقیب
بلاکشانِ محبتِ سے کون راضی تھا

یہ گل شدہ سی جو شامیں دکھائی دیتی ہیں
ہنر ان آنکھوں کے آگے ستارہ سازی تھا

عدو کے سامنے ہتھیار ڈالنے والا
کوئی فراز ساکافر نہیں تھا، غازی تھا
اقتباس کے ساتھ جواب دیں