جو سزا ہم کو ملے۔۔۔۔۔۔۔۔۔۔۔
اور ہمیں درد کی منزل پہ پہنچنے والے
کہہ رہے ہیں کہ اسے اور بھی آسان کرو
تاکہ ہم اپنے پرایے کو بھی پہچان سکے
اور کچھ دوست اسی راہ میں قربان کرو

شام آیی ہے ہمیشہ یہی لالی لیکر
جو کھبی خون تمنا کھبی گلزار لگے
اتنی آشفتہ نہ تھی خواہش یاراں پہلے
اب تو ہر جذبہ آسودہ بھی تلوار لگے

تو کہ تنہا ہے میری طرح تو مجبور نہ بن
کارواں اتریں گے اس کوہ ندا سے کتنے
شمعیں بجھ جاییں گی خورشید ابھر آیینگے
اور اسی ساحل امید سے پیاسے کتنے

یوں پکاریں گے کہ یہ بوند سمندر کردے
یہ جو ہوتا ہے تو ہم یوں ہی گنہگار رہیں
جو سزا ہم کو ملے اس کے سزاوار رہیں۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔
۔۔۔۔۔۔۔۔۔۔۔ احمد فراز۔۔۔۔۔۔۔۔۔۔۔