بزم خیال

مجھے اجازت دیجئے میں 25 تحاریر کے مکمل ہونے کا سہرا معظم بھائی ( شاہ جی 90 ) کےسر باندھنا چاہتا ہوں ۔ آئیں ہم سب مل کر ایسے انسان کو جو ہر لمحہ دوسروں کے لئے آنکھیں فرش راہ کئے رکھتا ہے کو اس اعزاز سے نوازیں جس کا وہ اصل حقدار ہے ۔
یہ کیونکر ممکن ہوا ۔۔۔
22 نومبر 2009 کو میری شاہ صاحب سے چلو، ہٹو ، جائو کے دھاگہ پر ہلکی پھلکی گفتگو ہو رہی تھی ۔ میرے ایک مراسلہ ۔۔ میں تو بھائی جب بارش ہورہی ہو تو بالکونی میں بیٹھ جاتا ہوں۔۔۔۔۔۔ کے جواب میں شاہ جی نے مجھے اپنے مراسلہ میں قیمتی مشورہ سے نوازا ۔۔۔ یہ تو نثر میں شاعری ہو گئی ۔۔۔۔۔۔۔ آپ کو میرا مشورہ ہے کہ نثر میں‌بھی لکھنے پر توجہ دیں۔۔۔جواب میں میں نے اپنی مجبوری ایسے بیان کی ۔۔ یہاں تو سر کھجانے کی فرصت نہیں۔۔۔۔۔ لکھ کر اپنی جان بچا لی مگر مجھے احساس ہی نہیں تھا 21 نومبر کو ہونے والی گفتگو ایک روز بعد ہی اپنا رنگ دکھائے گی اور میں نے 22 نومبر کو اپنی پہلی تحریر ۔۔ جینا اسی کا نام ہے۔۔ لکھ ڈالی جسے بے انتہا پسند کیا گیا ۔ بس پھر کیا تھا لکھنے کا سلسلہ چل نکلا اور ایک کے بعد ایک خیال بادل بن ابھرتا رہا اور برس کر تحریر بنتا چلا گیا ۔ کل پوسٹ ہونے والی ۔۔۔ پاک نیٹ - پاکیزہ جال۔۔۔میری پچسویں تحریر تھی۔
سنجیدہ موضوعات ہی پر زیادہ لکھنے کا زور تھا میرا ۔ لیکن ایک بار پھر شاہ بھائی نے ایک مشورہ سے نوازا ۔۔۔ مزاح لکھنے کی جانب بھی توجہ دیں ۔۔۔۔۔۔ جس کے نتیجہ میں میرے قلم سے ۔۔ تھوڑی سی لفٹ کرا دے۔۔۔ جیسی نثر تخلیق ہوئی ۔
اور میں پزیرائی سمیٹتا چلا گیا ۔ صرف چند ممبر ہی جانتے ہیں کہ سب کیسے ہوا ۔ آج جب میری 25 تحاریر مکمل ہو چکی ہیں تو میں صدق دل سے ان تمام کا کریڈٹ اپنے عزیز بھائی معظم شاہ کو دینا چاہتا ہوں ۔ کہ جن کے مشورہ پر میں نے اس جانب توجہ دی ۔ کیونکہ کبھی بھی اپنے آپ کو اس قابل نہیں سمجھا کہ اچھا لکھنے والوں کی طرح مجھے محبت دی جائے گی اگر آج مجھے آپ سب جو محبت اور پیار دیتے ہیں ۔ وہ ادھوری ہوں گی اگر میں اپنے بھائی معظم شاہ کا ذکر نہ کروں ۔
میں ذاتی طور پر بھی معظم بھائی آپ کا بہت مشکور ہوں ۔ کہ آپ نے ہمیشہ میری دلگیری کی ۔ آپ کے لئے دل سے دعائیں نکلتی ہیں ۔ آج جب کہ آپ بھابھی صاحبہ کی صحت کے بارے فکرمند ہیں ۔ ہم سب تفکر و روح سے ہر لحظہ دعاؤں میں سر بسجود اللہ ہیں ۔

1۔ جینا اسی کا نام ہے
2۔ میرا دوست پاک نیٹ
3۔ ہمارا فخر
4۔ قربانی ہو چکی
5۔ پنکھڑی پر خار
6۔ سیاسی محبت کے اسیر
7۔سمت پرواز کیا ہے
8۔ زمانہ پھر بھی رہ جائے گا
9۔ 2009 بھی گزر گیا - کیا کھویا کیا پایا
10۔ قہقہے آنسوؤں کے دامن گیر
11۔ قطار در قطار
12۔ سپیدئ اَوراق کرن سیاہ میں چھپائی
13۔ عفو و درگزر رحمت کا راستہ
14۔ قانون فطرت
15۔ ووٹر ابن ووٹر
16۔ واہ میرے شیر جوانوں !
17۔ کالونی سے کمپیوٹر تک
18۔ علم سے عالم یا عمل سے مسلمان
19۔ انسان متوکل
20۔ شعلہ بیان یا سلگتا بیان
21۔ یادداشت کھو جانے والی بیماری الزائیمر کی علامات
22۔ منزل ایک- الگ الگ قطب ستارہ
23۔ زمینی قزاق یا تحسینی مذاق
24۔ تھوڑی سی لفٹ کرا دے
25۔ پاک نیٹ - پاکیزہ جال


نوٹ ! یہ دھاگہ صرف معظم بھائی کو خراج عقیدت کے لئے ہے ۔

__________________

shafresha

شاہ صاحب جیتے رہئیے اور محمود بھائی آپ بھی ۔ ۔ ۔ ۔ ۔ ۔ ۔ ۔ ۔ ۔

ھارون اعظم

اللٰہ کرے زور قلم اور زیادہ۔

عدنان دانی

ڈھیر سارا مبارکباد قبول کیجئے۔۔۔۔۔۔۔۔۔۔۔۔

عامرشہزاد

اللہ آپ کو اور لکھنے کی توفیق دے۔آمین

راجہ اکرام

شاہ جی تسیں گریٹ ہو
تے محمود بھائی ۔۔۔۔۔ کم آپ بھی نہیں ہیں
جہاں شاہ صاحب کی طرف سے تحریک قابل ستائش ہے وہیں آپ کی محنت بھی قابل تحسین ہے
آپ دونوں احباب میری جانب سے ہدیہ تبریک قبول کیجئے

اللہ خوش رکھے ۔۔ آمین

__________________
محتاج اصلاح و دعا

فیصل ناصر

بہت خوب
یہ تو کمال ہوگیا
ایسا ہی باہمی اتفاق جاری رہے تو کیا بات ہے

نیلم خان

بہت بہت مبارک ہو معظم بھائ اور محمود بھائ آپ کے لئے دل سے دعا ہے کہ سدا سلامت رہیں

__________________
سمندر نے سمندر ،دریا نے دریا جانا مجھے
جسکا جتنا ظرف تھا اتنا ہی پہچانا مجھے

ام طلحہ

دونوں بھائیوں کا کمال بے مثال ہے۔ دونوں بہت بہت خوش رہیں سدا۔انشاللہ

ڈاکٹرنور

بہت خوب ۔۔
معظم شاہ جی چھا گئے او۔۔۔۔
اور محمود الحق تسی وی۔۔

جیوندے رہو

بزم خیال

شاہ جی کتھے او ؟
میری جانب سے بھی آپ کو مبارک باد ہو ۔
مبارکباد قبول کریں اور سب بھائی بہنوں کا شکریہ بھی خود ہی ادا کریں ۔

آہو

Kamran_Tabasum

بہت بہت مبارک ہو شاہ جی ۔۔۔۔

شاہ جی 90

محمود بھائی
شرمندہ کر دیا آپ نے
اس میں میرا تو کوئی کمال نہیں ، اگر ہے تو صرف اتنا کہ میں نے آپ کے اندر کے لکھاری سے کچھہ لکھنے کی درخواست کی اور اس میں بھی فائدہ میرا ہی تھا ، کہ میں آپ سے کچھہ سیکھنا چاہتا تھا ۔
بھائیو اور بہنو
آج میں آپ کو محمود بھائی کے بارے میں ایک خاص بات بتانا چاہتا ہوں
یہ اللہ کا شکر ہے کہ محمود بھائی نے مجھے اس بارے میں پابند نہیں کیا ، اگر کہ دیتے کہ اس موضوع پر بات نہیں ہو گی تو شاید میں اس پر ایک لفظ تک نہ لکھہ سکتا ۔
یہ پاک ۔ نیٹ کا شاید سب سے بڑا انکشاف ہو گا ۔
یہ جو ہمارے محمود بھائی ہم سب کے درمیان ہنستے بولتے نظر آتے ہیں یہ صرف پاک ۔ نیٹ کے ممبر ، یا صرف شاعر ، یا صرف ایک بہت اچھے نثر نگار ، یا صرف ایک بہت اچھے مزاح نگار نہیں ہیں ۔ یہ صرف کا لفظ میں نے کیوں استعمال کیا؟
مانا کہ پاک۔ نیٹ کا ممبر ہونا کم بڑی بات نہیں ، اس پر بہترین شاعر ہونا ایک اور کمال اسی طرح نثر کے میدان میں اپنا لوہا مان لینا ایک اور کمال ۔ لیکن ان سب سے بڑی ایک دولت اللہ کی جانب سے عطا کردہ محمود بھائی کے پاس اور بھی ہے ۔
اور یہ صفت یہ دولت ایسی ہے جو کہ مجھہ جیسے گناہ گار بندے کو کچھہ لکھتے یا سوچتے ہوے بہت محتات بنا دیتی ہے ۔
دوستو ، ہمارے محمود بھائی سب سے بہت پیار کرتے ہیں ، لیکن سب سے زیادہ پیار ان کو اپنے اللہ اور اس کے حبیب سے ہے ، اور ان پر جو اللہ کا خاص کرم ہے وہ یہ کہ اللہ اور اس کے رسول کو بھی ان سے خاص محبت ہے ۔
اللہ کے مقرب اور نیک بندوں میں کچھہ خاص نشانیاں ہوتی ہیں اور وہ ساری میں نے اپنے اس بھائی میں دیکھی ہیں ۔
یہ ایسی خصوصیت ہے جس کے سامنے سارے کمالات ہیچ ہیں ۔ میری خصوصی کوشش ہوتی ہے کہ میں ان سے جتنی دعائیں سمیٹ سکوں سمیٹ لوں ۔ بے شک اللہ ہم سب کی شاہ رگ سے زیادہ قریب ہے ، اور ہم سب کی دعائیں سنتا ہے ، لیکن ایک دوسرے کو دعا دینا اسلام میں بھی پسندیدہ فعل ہے اور خاص لوگوں کی دعائیں بھی جلدی لگتی ہیں یہ میرا ایمان ہے ۔
شکریہ محمود بھائی کہ آپ نے مجھے اس قابل جانا ۔
لیکن ایک گلہ بھی ہے کہ آپ نے مجھے شرمندہ کر دیا ۔

شاہ جی 90

شکریہ شافریشہ بھائی
اللہ آپ کو ہمیشہ خوش رکھے آمین

شاہ جی 90

راجہ جی آپ کی محبتیں ہیں اور مبارک باد کے مستحق تو محمود بھائی ہیں