شاہ جی 90

تو جناب اسی تعارف تعارف میں رستہ کٹ گیا اور ہم مولانا صاحب کے بھائی کے گھر پہنچ گئے ، مولانا صاحب نے بتایا کہ آپ میاں بیوی یہاں قیام کر لیں ڈرائیور میرے ساتھہ مسجد کے حجرے میں سو جائے گا ، مولانا نے اپنے بھائی کے گھر کا دروازہ بجایا اور ایک 21/22 سال کا لڑکا باہر نکلا ، بڑے ادب سے مولانا سے ملا اور ہماری زوجہ کو اندر خاتون خانہ کے پاس جانے کو کہا اور خود ہمارے لیئے بیٹھک کا دروازہ کھول دیا ، بیٹھک میں دو چارپائیاں تھیں اور ایک میز ، اس کے علاوہ کوئی فرنیچر نہ تھا ، اس پر اندھیرا ، کیوں کہ بجلی کی لوڈ شیڈنگ ہو رہی تھی ، یہاں ہمارے دل میں وہ خیال آیا جس پر ہم آج بھی شرمندگی محسوس کرتے ہیں ۔
بات کچھہ یوں تھی کہ اکثر جرائم پیشہ افراد کو یہ دھڑکا ہر وقت لگا رہتا ہے کہ پتا نہیں کس وقت پولیس کا چھاپا پڑ جائے ؟ اور اسی خدشے کے تحت وہ جہاں بھی رہتے ہیں سامان اتنا مختصر رکھتے ہیں کہ اگر اچانک مکان چھوڑ کر بھاگنا پڑے تو سامان رکاوٹ نہ بنے ، اور ایسی بے قیمت اشیا مثلاَ ایک دو چارپائیاں وغیرہ کو چھوڑنا پڑے تو کوئی زیادہ نقصان بھی نہ ہو ، مختصر یہ کہ ایسے لوگ صوفوں وغیرہ اور دیگر سجاوٹ یا آرام کی چیزوں کے جھنجٹ میں نہیں پڑتے ۔
اب جو ہم نے صورت حال دیکھی تو یہاں بھی ماحول کچھہ ایسا ہی لگا ۔ لیکن ہم نے باتوں باتوں میں لڑکے کا انٹر ویو لیا اور کسی حد تک اطمینان کر لیا کہ زیادہ خطر ناک لوگ بھی نہیں ہیں ، لیکن شیطان دل میں سو سو قسم کے وسوسے ڈالتا چلا جا رہا تھا ۔ میرے لیئے دو باتیں زیادہ پریشان کن تھیں ، ایک تو قریب ڈیڑھ لاکھہ کی رقم جو کہ بغرض علاج معالجہ و ہنگامی ضروریات ہم نے اپنے پاس رکھی تھی اور دوسرے یہ کہ ہماری مریض بیگم ہمارے ساتھہ تھیں ، خیر اللہ پر توکل کیا ، اور اسی سے مدد مانگتے ہوے اپنے گھر والوں کی اور ڈرائیور کی سلامتی کی دعا مانگ کر مطمعن ہو گئے ،
ہاں ایک بات تو آپ کو بتانا ہم بھول ہی گئے ، ہم جیسے ہی وہاں پہنچے تھے ہم نے چپکے سے ڈرائیور کو ہزار کا ایک نوٹ دیا تھا اور اس سے کہاتھا کہ خود کھانا کھا لینا اور ہمارے لیئے لے آنا ، کیوں کہ سردیوں کی رات کے نو بجے ہم ان لوگوں کو ڈسٹرب کرنا نہیں چاہتے تھے جن کے گھر ہم مہمان ہوے تھے ، ہم سمجھے مولانا حیات صاحب نے یہ کاروائی نہیں دیکھی لیکن وہ دیکھہ چکے تھے وہ ہمیں چھوڑ کر ڈرائیور کے ساتھہ واپس چلے گئے ، کچھہ دیر بعد مولانا صاحب کے بھائی ،جن کے گھر ہم ٹھہرے تھے ، آ گئے ”بعد میں ان کا نام قاری نصیر معلوم ہوا“ ان سے بات چیت ہوتی رہی اور ساتھہ ہی مولانا اور ڈرائیور بھی واپس آ گئے قاری نصیر صاحب نے ہمیں کہا کہ آ کر کھانا کھا لیں، ہماری بیگم اور ہمارے لیئے کھانا الگ کمرے میں لگایا گیا تھا ، جہاں صرف ایک ڈبل بیڈ تھا اور کمرے کا سائز اتنا تھا کہ اس ڈبل بیڈ کے علاوہ وہاں کچھہ رکھنے کا سوال ہی پیدا نہیں ہوتا تھا ۔ ہم میاں بیوی نے بیڈ پر بیٹھہ کر کھانا شروع کیا ، دیسی گھی کا تڑکا لگی ماش کی دال اور ایک ڈونگا بڑا اور بھرا ہوا بھنے ہوے چھوٹے گوشت کا ساتھہ ہی توے کی روٹیاں ، دہی اور پیپسی کی بڑی بوتل ، ہم نے حسب ضرورت کھایا ، باتوں کی آوازیں ساتھہ کے کمرے سے آ رہی تھیں جن سے ہم نے اندازہ لگایا کہ ڈرائیور کو انہوں نے ساتھہ کمرے میں کھانا کھلایا ہے ، اب ظاہر ہے کہ قاری نصیر صاحب کی بیگم تو اس وقت کچن میں ہی تھیں کیوں کہ گھر میں کل دو ہی کمرے اور ایک بیٹھک تھی ، ہم نے کھانا کھانے کے بعد بیگم سے کہا کہ وہ برتن خود کچن میں چھوڑ آئیں ۔ وہ برتن لے گئیں اور اسی وقت واپس آ کر ہم سے پوچھا کہ چائے یہاں میرے ساتھہ پئیں گے یا ساتھہ کمرے میں مولانا صاحب کے ساتھہ ، ہم نے چائے کیلئیے انکار کر دیا اور بیگم کو تاکید کی کہ اب ان کو چائے کے لیئے تکلیف نہیں دینی پہلے ہی ہمارے لیئے بہت کچھہ کر چکے ہیں ، ساتھہ ہی ہم مولانا صاحب کے پاس دوسرے کمرے میں چلے گئے ، جہاں ، ایک ڈبل فوم کا گدا ، ایک سنگل گدا فرش پر بچھایا گیا تھا چھوٹے گدے پر رضائی میں تین بچے سو رہے تھے اور بڑے گدے پر قاری حیات صاحب ، قاری نصیر صاحب اور ہمارا ڈرائیور بیٹھے گپ لگا رہے تھے ، یہاں دوران گفتگو معلام ہوا کہ قاری نصیر صاحب دن میں ایک سکول میں پڑھاتے ہیں اور چھٹی کے بعد مختلف گھروں میں بچوں کو قرآن پاک پڑھانے جاتے ہیں ۔ وہ لڑکا مولانا صاحب کا بھانجا ہے اور وہیں کی ایک یونیورسٹی سے ایم بی اے کر رہا ہے ، وہیں بیٹھے بیٹھے مولانا نے زیارت کا مکمل پتہ تین چار جگہ فون کر کے معلوم کیا اور راستہ خود زہن نشین کرنے کے بعد ہمیں بتایا کہ کل آپ کو کوئی مشکل نہیں ہو گی ، بات پاکستان کی سیاست ، موجودہ ملکی حالات سے ہوتی ہوئی دہشت گردی پر آئی ، تو بین المسالک ہم آہنگی تک پہنچی ، اب تک ہمیں کسی صورت یہ اندازہ نہیں ہو پایا تھا کہ یہ صاحبان کس فرقے سے تعلق رکھتے ہیں ، آخر ہم نے معزرت کے ساتھہ قاری نصیر صاحب سے پوچھہ لیا ، اور تب ہمیں پتا چلا کہ وہ دیو بند مسلک کے ہیں ، اب گفتگو میں مزا آنے لگا لیکن ڈرائیور کی آنکھیں نیند سے بوجھل ہو رہی تھیں ، محفل برخاست ہوئی اور ہم اپنے کمرے میں چلے آئے ، ہم حیران تھے کہ یہ کیسے لوگ ہیں جس بیڈ روم میں ہم تھے یہ ان کا ماسٹر بیڈ روم تھا اور میاں بیوی اسی میں ہوتے تھے جو کہ انہوں نے ہمیں خالی کر دیا تھا ، خیر اللہ کا شکر ادا کر کے سو گئے ، صبح اٹھے تو نہانے کے لیئے گرم پانی غصل خانے میں رکھہ دیا گیا تھا ، نہا کر نماز پڑھی اور اچھا سا ناشتہ کیا ، چلتے ہوے ہم نے قاری نصیر صاحب کے بچے کو ایک ہزار دئیے تو انہوں نے انکار کر دیا ہمارے کہنے پر کہ آپ کو کیا ہم اپنے بھتیجے کو دے رہے ہیں ، وہ خاموش ہو گئے ، بعد میں پتا چلا کہ ان کی بیگم نے زبردستی ہماری بیگم کو ایک ہزار دے دیا تھا کہ ابھی بازار بند ہیں اور آپ جا رہے ہیں تو آپ کے بھائی کہتے ہیں کہ میری بہن سے کہو کہ یہ ان کے کپڑوں کی رقم ہے ، ہمارے اٹک میں یہ رواج ہے کہ بہنیں جب بھائی کے گھر جاتی ہیں تو وہ انہیں ایک جوڑا کپڑے یا ایک دوپٹہ بمطابق حیثیت دیا جاتا ہے ۔ مولانا حیات صاحب ہمارے ساتھہ مذکورہ زیارت کی جانب روانہ ہوے ،
اور یہ ہمارے لیئے سب سے بڑی حیرت تھی کہ ایک کٹر دیوبند صرف مہمان داری نبھانے کے لیئے ہمارے ساتھہ ایک پیر کے گھر اور ایک زیارت پر جا رہے تھے ۔
میں حیران تھا کہ یہ کیسے لوگ ہیں آج کل تو اس قسم کے لوگوں کا ملنا ایک معجزہ نظر آتا ہے ، ہمارے دل سے ان صاحبان کے لیئے دعا نکل رہی تھی ، اور یہ خوشی بھی تھی کہ اب گجرات میں بھی ہمارے دو بھائی ہیں ۔
پیر صاحب کے گھر اور زیارت پر کیا ہوا اور ایک دیوبند امام مسجد کا وہاں کیسا رویہ تھا ، اس سب پر بات اگلے حصے میں ہو گی ۔

نوٹ: اس سلسلے کی پچھلی تحاریر پڑھنے کے لیئے یہاں‌کلک کریں:
1۔ محو حیرت ہوں کہ ۔ ۔۔ ۔ ۔ ۔

2۔ محو حیرت ہوں کہ ۔ ۔ ۔ ۔ ۔ ۔ ۔ ۔ ۔ Part 2

3۔ محو حیرت ہوں کہ ۔ ۔ ۔ ۔ ۔ ۔ ۔ ۔ ۔ ۔ پارٹ 3

4۔ محو حیرت ہوں کہ ۔ ۔ ۔ ۔ ۔ ۔ ۔ ۔ ۔ ۔ پارٹ 4

منتظمین

سرورق کے لیے اپلائی کریں۔

فیصل ناصر

معظم شاہ جی آپ بھی آدمی کا صبر خوب زماتے ہیں

بزم خیال

شاہ بھائی میں یہ تو نہیں کہوں گا کہ جلد جلد لکھیں ۔ مگر تشنگی بڑھ رہی ہے ۔

ہر نئے پارٹ کے آغاز میں یہ لنک ضرور دیں تاکہ نئے پڑھنے والے بے ربط نہ پڑھیں
محو حیرت ہوں کہ ۔ ۔۔ ۔ ۔ ۔ پارٹ 1،2،3،4،5

__________________

شاہ جی 90

ہا ہا ہا
بس بھیا
اب تو ایک دو اقساط میں معاملہ نبٹ جائے گا
آپ سے دعا کی درخواست ہے
کہ اللہ آپ کی بھابی کو صحت عطا فرمائے آمین

شاہ جی 90

بہت شکریہ محمود بھائی
میرا پروگرام تو یہ ہے کہ جب یہ مکمل ہو جائے تو اسے ایک ہی تھریڈ میں جمع کر دوں ۔ آپ کا کیا خیال ہے ۔
میں اس بارے میں منتظمین بھائی سے بھی مشورہ لینا چاہوں گا

فیصل ناصر

اللہ ہماری بھابھی کو صحت مند زندگی عطا فرمائے
آمین

شاہ جی 90

آمین ثم آمین
بہت شکریہ بھیا

shafresha

محمود بھائی میں نے ایسا ہی کردیا ہے!

راجہ اکرام

شاہ جی یہ بات میں چوتھے حصے میں لکھنے لگا تھا لیکن پانچویں پر نظر پڑ گئی اس لئے آپ بچ گئے

اب آپ جلدی سے لکھیں گے یا میں فون کر کے ساری تفصیلات یکمشت ہی حاصل کر لوں

اللہ ہماری بھابھی جان کو شفائے کاملہ و عاجلہ عطا فرمائے اور ان صاحبان کو اجر عظیم جنہوں نے گجرات میں آپ کے ساتھ حسن سلوک کی اعلی مثال قائم کر دی ۔۔ آمین

لیکن شاہ جی اس انتظار میں کم از کم میں تو ذہنی مریض بن جاؤں گا۔۔۔۔۔۔۔۔ بس اب چھٹا اور ساتواں حصہ ایک ہی مرتبہ پوسٹ کر دیں۔۔۔

__________________
محتاج اصلاح و دعا

ھارون اعظم

جناب اتنا بھی صبر نہ آزمائیں۔ تشنگی بڑھ رہی ہے۔

بزم خیال

معظم بھائی کہنے کی ضرورت نہیں ہے ہم ہر وقت بھابھی صاحبہ کے لئے دعا گو ہیں ۔ اللہ تبارک تعالی انہیں اپنے حبیب کے صدقے جلد از جلد صحت کاملہ عطا فرمائے ۔ اور بیماری سے نجات عطا فرمائے - آمین ثمہ آمین ۔

اے خدا تیری رحمتوں کے بندے طلبگار ہیں
شرمندہ ہیں اس لیے کہ ہم خطاکار ہیں
تیرا در چھوٹنے سے ہم آہ و فگار ہیں
تیری نعمتوں کی ہو بارش ہم اشکبار ہیں
نہیں بھولیں گے ہم شجر آب دار ہیں
واسطہ تجھے مُحَمَّدۖ کا ہم امت جہاںدار ہیں
تیری چاہتوں سے نہیں ہم انکار ہیں
اپنی خزاں زندگی کو امید جشن بہار ہیں
ہم خطا کاروں کے آپ پروردگار ہیں
دعاؤں میں تیری رحمتیں درکار ہیں

بزم خیال

مناسب تو یہی ہے ۔اگر ساتھ میں پارٹ میں بھی تقسیم کر دیں تو کیسا ہے ----

محمدعدنان

آمین
ثم آمین ۔

شاہ جی 90

مھو حیرت ہوں کہ ۔ ۔ ۔ ۔ ۔ ۔ ۔ ۔ ۔ ۔ ۔ part 6