شاہ جی 90

گجرات پہنچ کر یہ مسئلہ سامنے آیا کہ وہ گائوں جہاں کہ مذکورہ زیارت واقع تھی یعنی کہ کڑیاں والا اس کا راستہ انتہائی خطر ناک تھا۔
اور رات کو اس راستے پر اکثر ڈکیتی کی وارداتیں ہوتی رہتی ہیں ۔ اس لیے پیر صاحب نے ہمیں کہا کہ آپ کے ساتھہ لیڈیز بھی ہیں آپ اس راستے پر رات کو نہ آئیں ، اب اس وقت اگر لاہور جاتے تو واپسی پر گجرات نہیں آ سکتے تھے کہ دوسرے دن شام کو ہم نے آفس پہنچنا تھا ۔ ان حالات میں فیصلہ کیا کہ رات گجرات میں گزار کر صبح سویرے زیارت پر جایا جائے اور وہاں سے واپسی پر لاہور کا رخ کیا جائے ۔
اب یہاں اللہ تعالی کو ہمارے ایک پرانے دوست کا پردہ چاک کرنا مطلوب تھا ، ان صاحب سے بھی آپ کا تعارف ہو ہی جائے ، جب ہم گورنمنٹ کالج اٹک میں پڑھتے تھے تو ہمارا ایک کلاس فیلو فرخ سجاد قاضی بھی ہوتا تھا ، جس کے والد ایس ایس پی دفتر میں آفس پرنٹنڈنٹ تھے ، فرخ سے ہماری ایسی دوستی تھی کہ گھنٹوں ہم اکٹھے بیٹھے باتیں کرتے رہتے ، جب ان کے والد صاحب کا تبادلہ فاروق آباد ضلع شیخو پورہ ہوا تو ہمارا تمام گھر اداس تھا کیوں کہ اس دوران ان کے ساتھہ گھریلو طور پر آنا جانا شروع ہو چکا تھا ، زیادہ تفصیل میںنہیں جائوں گا کہ احسان گنوانے والی بات ہو گی ۔ لیکن اتنا ضرور کہوں گا کہ ہم دوستی کے مرحلے سے گزر کر بھائیوں تک کے درجے پر پہنچ چکے تھے ، گجرات فرخ سجاد قاضی کا آبائی شہر تھا اور ان دنوں وہاں دونوں بھائی وکالت کر رہے ہیں ۔ جب گجرات میں رات گزارنے کا سوال پیدا ہوا تو قدرتی طور پر ہمیں فرخ کا خیال آیا ، ہم نے اسی وقت اسے فون کیا کہ بھائی تمہارے شہر میں ہیں اور ہمارے ساتھہ تمہاری بھابی اور ڈرائیور بھی ہیں ، اس نے بتایا کہ میں تو جہلم میں ہوں اور ابھی واپس بھی نہیں آ سکتا ، ہم نے غصے میں فون بند کر دیا ، کچھہ دیر بعد اس کا فون آیا کہ میں گھر میں فون کر دیتا ہوں آپ سیدھے ہمارے گھر چلے جائیں ، میں نے پھر انتظار شروع کر دیا ۔ کچھہ دیر بعد اس کا دوبارہ فون آیا اور اب اس کا کہنا تھا کہ اس کے تمام گھر والے بھی لالہ موسی گئے ہوے ہیں ۔ اس پرہم نے اس سے کہا کہ ہمیں صرف ایک ایسے ہوٹلکا بتا دو جو شریفانہ ہو اور ہم وہاں ایک رات گزار سکیں ۔ اب فرخ صاحب نے جو ہوٹل ہمیں بتایا وہ میلوڈی ان تھا جو کہ ان کے محلے ریلوے روڈ سے کچھہ ہی فاصلے پر تھا ۔
ہم میلوڈی ان پہنچے دیکھنے میں اچھا ہوٹل تھا ، ریسیپشن پر ہمیں رویہ عجیب لگا، اور ریسپشنسٹ کا سوال عجیب تر کہ کیا پوری رات کے لیئے کمرہ چاہئیے ، ہم نے اپنا آئی ڈی کارڈ اسے دیا کہ اندراجات وغیرہ کر لو اور ہم کمرے دیکھنے اوپر چلے گئے ، سیڑھیوں پر ہی ہمارا ماتھا ٹھنکا کہ ایک نیم عریاں لڑکی کی تصویر لگی تھی ، خیر ہم نے سوچا کہ ہوٹلوں میں اس حد تک تو خباثت ہوتی ہی ہے ، جب ہم سیڑھیاں چڑھ کر اوپر گئے تو جیسے جیسے آگے بڑھتے گئے عریانیت زیادہ ہوتی گئی ، یہاں تک کہ آخری دیوار دیوار پر جو تصویر لگی تھی وہ شرفا کے دیکھنے کے قابل نہیں تھی ساتھہ ہی ہماری باقی حسیات بھی جاگیں اور ہم نے شراب کی تیز بو بھی محسوس کر لی ، جلتے بھنتے اور فرخ کو صلواتیں سناتے ہم وہاں سے نکلے ، مینیجر کو جرات نہیں ہوئی کہ وہ ہم سے پوچھے کہ ہم کمرہ کیوں نہیں لے رہے ، وہیں سے ایک لڑکا ہمارے پیچھے بھاگتا ہوا آیا جس نے اپنا تعارف ایک صحافی کے طور پر کروایا اور ہمیں بتایا کہ یہ ہوٹل شریفوں کے رہنے کے قابل نہیں ہے ، آپ فلاں فلاں ، یا فلاں ہوٹل چلے جائیں ، ہم نے اسے ٹالا اور روڈ کارنر پر آ کر گاڑی کھڑی کر دی ، ڈرائیور سے ہم نے کہ دیا کہ اب کسی مولوی ٹائپ بندے سے کسی شریفانہ ہوٹل کا پتا پوچھہ لو ، اور خود ایک فروٹ کی ریڑھی والے کے پاس چلے گئے کہ وہی سامنے کھڑا کچھہ مناسب شخص نظر آ رہا تھا ، اس سے پوچھنے پر پتا چلا کہ یہاں تمام کے تمام ہوٹلوں میں دھندا ہوتا ہے ۔ ہم مایوس ہوے ہی تھے کہ ڈرائیور کی آواز آئی ،
شاہ صاھب جلدی آئیں ، ہم پہنچے تو ایک پیش امام اس کے پاس کھڑے تھے ، تعارف ہوا تو پتا چلا کہ میلوڈی ان کے ساتھہ ہی ایک مسجد کے پیش امام ہیں اور ساتھہ ہی دن کے اوقات میں ایک سکول میں پڑھاتے بھی ہیں ،
ان سے بھی ہم نے یہی سوال کیا تو پتا چلا کہ یہاں ڈرائیور ہوٹل جو ہیں وہاں تو ماحول کسی حد تک مناسب ہے وہ بھی صرف مردوں کے رہنے کے لیئے ، باقی تمام ہوٹلز میں گندگی ہی گندگی ہے ، ہماری پریشانی دیکھتے ہوے مولانا صاحب نے کہا کہ میرے بھائی کا گھر حاضر ہے آپ وہاں قیام کر لیں ۔
اب ہمیں شکوک نے گھیر لیا کہ پتا نہیں اس شخص کے کیا مقاصد ہیں اور یہ ہمیں کیوں اپنا گھر پیش کر رہا ہے ، اجنبی شہر ، اجنبی لوگ اور ایسی پیش کش ، یقین نہیں آتا تھا کہ کوئی گڑ بڑ نہیں ہے ۔ میری ہچکچاہٹ کو دیکھہ کر ڈرائیور بولا کہ مولانا صاحب بھی اٹک کے ہی ہیں ، اس پر ہمیں تھوڑی سی تسلی ہوئی اور ہم نے ان سے اپنا تعارف کروایا ،
مولانا صاحب ہمارے ساتھہ گاڑی میں بیٹھہ گئے اور ہمیں اپنے بھائی کے گھر لے گئے ، راستے میں باتوں کےدوران انکشاف ہوا کہ مولانا کا نام قاری محمد حیات ہے اور وہ کھوڑ کے قریب ایک گائوں کے رہنے والے ہیں ، مولانا صاحب کے بھائی کے گھر مزید حیرتیں ہماری منتظر تھیں
محو حیرت ہوں کہ ۔ ۔ ۔ ۔ ۔ ۔ ۔ ۔ ۔ ۔ ۔part 5

جاری ہے

بزم خیال

معظم بھائی اب آپ ہمیں حیرت زدہ کرتے جا رہے ہیں ۔

shafresha

شاہ جی یہ کہانی کیا رُخ اختیار کرتی جارہی ہے؟
مجھے واقعی مزا آ رہا ہے، جاری رکھیئے تفصیلی تبصرہ بعد میں‌کروں گا۔

اخترحسین

کچھ بھی پلے نہیں پڑا۔۔۔۔۔۔

ھارون اعظم

آپ شروع سے پڑھیں تو سمجھ جائیں گے۔

ھارون اعظم

آپ کی تحریر بہت اچھی ہے۔ اگلی اقساط کا انتظار رہے گا۔

منتظمین

سرورق کے لیے اپلائی کریں۔

فیصل ناصر

شاہ جی جلدی کریں
اتاولہ پن بڑھتا جارہا ہے

شاہ جی 90

محمود بھائی
میں خود حیران تھا ۔ اصل بات تو یہ ہے کہ پاکستان کے اندر مجھے پنجاب ، آزاد کشمیر ، اور صوبہ سرحد ، قبائلی علاقوں تک کا تجربہ ہے اور بہت زیادہ گھوما ہوا ہوں ، بندہ اکیلا ہو تو سو طرح سے گزارہ کر لیتا ہے لیکن جب ایک خاتون اور وہ بھی مریض ساتھہ ہوں تو پھر بہت زیادہ سوچنا پڑتا ہے کہ اگلا قدم کیا ہونا چاہئیے ۔

شاہ جی 90

شکریہ شافریشہ بھائی
ابھی اگلا حصہ لکھنے لگا ہوں
ویسے میرا خیال ہے کہ مزید دو حصوں میں یہ داستان بھی پوری ہو جائے گی

شاہ جی 90

پیارے بھیا
بہت تلخ داستان ہے
پہلے ھصے سے پڑھیں تو خود ہی سمجھہ آ جائے گی
میں پہلے حصے کا لنک یہاں دے رہا ہوں
محو حیرت ہوں کہ ۔ ۔ ۔ ۔ ۔ ۔ ۔ ۔ ۔ ۔ ۔ ۔

شاہ جی 90

شکریہ منتظمین بھائی
بھیا
میں نے پہلا حصہ تو سر ورق کے لیئے ایپلائی کر دیا تھا
اسی میں بقیہ کا لنک دئیے جا رہا ہوں ،
ایک راہنمائی فرما دیں کہ کیا تمام حصوں کو الگ الگ ایپلائی کرنا ہو گا ؟

شاہ جی 90

بس بھیا ابھی کچھہ دیر کے بعد اگلا حصہ پڑھئیے گا