شاہ جی 90

تو دوستو
تیسے دن ہم نوری ہسپتال اسلام آباد پہنچے
جہاں کا سسٹم اور مریضوں پر ان کی توجہ دیکھہ کر دل سے دعا نکلی
وہاں کا نظام ایسا ہے کہ جیسے ترقی یافتہ ممالک کی ہسپتالوں کا ہوتا ہے ۔ تمام ڈاکٹرز کے سامنے کمپیوٹرز ہیں، اور ہر بار چیک اپ کے ساتھہ ہی مریض کی بات نئی معلومات اور ٹیسٹ یا علاج کے سلسلے میں کیئے گئے اقدامات اس مریض کے مخصوص ڈیٹا بیس میں جمع ہو جاتے ہیں ، وہاں صرف ریفرل پر مریض لیئے جاتے ہیں اور ہر مریض کی جاتے ہی اس سے سابقہ رپورٹس لے کر فائل بنا دی جاتی ہے ، یہ تمام فائلز مختلف ڈاکٹرز کو تقسیم کر دی جاتی ہیں ۔ جو کہ باری آنے پر متعلقہ مریض کو اپنے پاس بلوا لیتے ہیں ۔ انتہائی تسلی سے چیک کیا جاتا ہے اور مریض کی مکمل ہسٹری لی جاتی ہے ، سب سے بڑی بات یہ کہ وہاں پر ایک بار آپ سے دس ہزار روپے اکائونٹ سیکشن میں جمع کروانے کو کہا جاتا ہے ، اس کے بعد آپ نے کوئی فیس کسی چیک اپ یا ٹیسٹ وغیرہ کی جمع نہیں کروانی بلکہ اسی دس ہزار میں آپ کا علاج چلتا رہتا ہے ۔ یہاں ایک بزرگ سے جو کہ کینسر کےمریض تھے میری ملاقات ہوئی ، انہوں نے بتایا کہ آج سے چار سال پہلے دس ہزار جمع کروایا تھا ، اب تک وہی چل رہا ہے ، ہاں ڈیڑھ سال تک علاج ہوا جس دوران ادویات پر پانچ لاکھہ کے قریب لگا لیکن جب میں ٹھیک ہو گیا تو اب فالو اپ کے لیئے ہر ماہ یہاں آتا ہوں اور اگر ڈاکٹر ضروری سمجھیں تو ٹیسٹ وغیرہ کروا لیتے ہیں ورنہ معائنہ کر کے واپس بھیج دیتے ہیں ۔
اس دن اور اس سے اگلے دن ہم نے نوری ہسپتال سے ٹیسٹ کروائے اور ایک دو ٹیسٹ ہمیں PIMS سے کروانے کو کہا گیا ۔
اسی دن نوری ہسپتال سے فارغ ہو کر ہم لاہور کے لیئے روانہ ہوے ، جہاں شوکت خانم سے ٹیسٹ وغیرہ کروانے کا ارادہ تھا ۔ اب ایک تو ہم پریشان بہت تھے ، دوسرے ہم پروفیشنلز پر اعتماد بھی جلدی کر لیتے ہیں ڈرائیور نے گاڑی موٹر وے پر لے جاتے ہوے کہا کہ گجرات ہم سیدھے موٹر وے سے جائیں گے ۔ ہم نے اپنی پریشانی میں دھیان ہی نہیں دیا کہ ہمیں جانا کہاں ہے اور یہ راستہ کون سا چن رہا ہے ۔
اب آپ حیران ہوں گے کہ انہیں تو شوکت خانم کے لیئے لاہور جانا تھا یہ گجرات کہاں سے ٹپک پڑا ، تو بھیا قصہ اس اجمال کا یوں ہے کہ ہماری بیگم کے سب سے چھوٹے بھائی کے ایک دوست گجرات میں کسی پیر صاحب کے مرید تھے اور اب مرید خاص کی حیثیت سے خود نیم پیر بنے بیٹھے تھے ، ان کےبھائی کا اسرار تھا کہ اس زیارت پر ضرور جائیں کہ وہاں سے بہت سے ۔ ۔ ۔ ۔ ۔ ۔ کے مریضوں کو شفا مل چکی ہے ، وہاں زیارت پر سلام پیر صاحب سے ملاقات اور اس کے بعد زیارت کی مٹی ساتھہ کے لینی ہوتی ہے جو کہ پھوڑے یا گلٹی پر لگانے سے اللہ شفا دیتا ہے ، یہ ہمارا یقین نہیں بلکہ ہمارے سالے صاحب کی سٹیٹمنٹ ہے ، تو صاحبو ، اپنی بیگم کے مزاج کو دیکھتے ہوے ہمیں اقرار کرتے ہی بنی کہ لاہور جاتے ہوے راستے میں گجرات کو ٹچ کرتے جائیں گے ۔ اب ہم تو گجرانوالہ اور گجرات وغیرہ جاتے رہتے ہیں اور ہمیں اچھی طرح پتا ہے کہ موٹر وے سے گجرات تک کسی صورت مناسب راستہ نہیں ہے ۔ لیکن اس دن ہمارا تمام تر تجربہ اور معلومات دھری کی دھری رہ گئیں اور ہم موٹر وے پر بڑھتے چلے گئے ۔
موٹر وے پر پہلا بورڈ جب گجرات کا آ یا تو اس انٹر چینج سے ڈرائیور نے گاڑی نکال لی غالباً سرگودھا کا کوئی علاقہ تھا ، وہاں سے جب ہم نے گجرات کی جانب سفر شروع کیا تو یہ بزات خود انگریزی والا سفر بن گیا ، ہم راولپنڈی سے دن کے ڈیڑھ بجے چلے تھے اور رات آٹھہ بجے ہم گجرات پہنچے۔
محو حیرت ہوں کہ ۔ ۔ ۔ ۔ ۔ ۔ ۔ ۔ حصہ چہارم

جاری ہے

shafresha

اگلی قسط کا انتظار ہے شاہ صاحب!

شاہ جی 90

شکریہ بھیا
انشاللہ جلد ہی لے کر حاضر ہوجائوں گا

منتظمین

سرورق کے لیے اپلائی کریں۔

بزم خیال

شاہ بھائی ہمت سے کام لیا آپ نے ۔ اللہ تعالی آپ کو صبر و استقامت عطا فرمائے

شاہ جی 90

شکریہ منتظمین بھائی
ایپلائی کر دیا ہے

شاہ جی 90

بہت شکریہ محمود بھائی
اللہ آپ کی بھابی کو شفا عطا فرمائے
یہ ہمارے لیئے اس کا سب سے بڑا انعام ہو گا

بزم خیال

آمین ثمہ آمین
انشااللہ تعالی بڑا انعام و اکرام ہو گا
انسانوں سے تو ہم شاقی ہو سکتے ہیں مگر اللہ تبارک تعالی کی رحمت سے نہیں ۔

__________________