عادل سہیل

::::: آخرت کے دوسرے مرحلے '' برزخ '' کی پہلی منزل '''قبر ''' کے مراحل :::
::::::: ( ١ ) قبر کا میت کو شدید طرح دبانا :::::::
::::: دلیل (١) ::::: انس ابن مالک رضی اللہ عنہُ اور ابی ایوب الاانصاری رضی اللہ عنہُ سے روایت ہے کہ ''''' ایک دفعہ رسول اللہ صلی علیہ وسلم نے ایک بچے یا بچی کی نماز جنازہ پڑہائی (اُسے دفن کیا گیا ) تو فرمایا ( لو اَفلت اَحد ٌمِن ضَمۃِ القَبرِ لافلت ہذاالصَّبِی) ( اگر قبر کے دبانے سے کوئی بچ سکتا ہوتا تو یہ (دودھ پیتا )بچہ ضرور بچ جاتا ) """" المعجم الطبرانی الاوسط /حدیث ٢٧٥٣/باب من اسمہ ابراہیم کی حدیث ٤٥٩، اِمام الہیثمی نے ''' مجمع الزوائد ''' میں کہا اِس روایت کے راوی صحیح البُخاری والے ہیں ،المعجم الطبرانی الکبیر /حدیث ٣٨٥٨ /البراء بن عازب عن ابی ایوب الانصاری رضی اللہ عنہما کی تیسری حدیث ، اِمام الہیثمی نے اس روایت کے راوی بااعتماد ہیں ،
::::: دلیل(٢) ::::: اِیمان والوں کی والدہ محترمہ عائشہ رضی اللہ عنہا سے روایت ہے کہ رسول اللہ صلی اللہ علیہ وسلم نے فرمایا ( لَو نَجَاء اَحدٌ مِن ضَمۃِ القَبرِ ، لَنَجا سَعد بن مُعاذ و لَقد ضُمِّ ضَمَۃً ثُمَّ رُوخِيَ) ( اگر قبر کے دبانے سے کوئی بچ سکتا تو سعد بن معاذ ( ضرور ) بچ جاتا لیکن اُسے بھی شدید طور پر دبایا گیا اور پھر اُسکے بعد اُس کے لیے نرمی کر دی گئی ) مُسند احمد /حدیث٢٤٧٨٧/مُسند عائشہ رضی اللہ عنھا کی حدیث٢٧٦ ، صحیح ابن حبان ٣١١٢، حدیث ، صحیح الجامع الصغیر ،حدیث ٥١٨٢ ،
سعد بن معاذ رضی اللہ عنہُ وہ اللہ کے حقیقی اولیاء میں سے اتنے بلند رُتبہ کے ہیں کہ اُن کے مرنے پر اللہ کا عرش ہل گیا جیسا کہ جابر بن عبداللہ رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا (اہتَز َّ عَرشُ الرَّحمٰنِ لِمَوتِ سَعدِ بن مُعَاذٍ)( سعد بن معاذ کی موت سے رحمن کا عرش ہل گیا ) صحیح مسلم /حدیث ٢٤٦٦/کتاب فضائل الصحابہ رضی اللہ عنہم/باب٢٤، جب اُن جیسے عظیم المرتبہ شخص ، اور دودھ پیتا بچہ جِس پر کوئی گناہ نہیںہوتا ، قبر کے پہلے دباؤ سے نہیں بچ سکتے تو پھر وہ کیسے بچ جاتے ہیں جِن کی زندگیاں قران و سنّت کی صریح مخالفات میں گذر جاتی ہیں ، اور اُسی حالت میں مرتے ہیں ، اور بعد والے اُنہیں براہِ راست جنّت کے بلند ترین درجات میں پہنچا ہوا سمجھتے ہیں ، اور کیا کیا کہا اور لکھا جاتا ہے ، اللہ ہم سب کی اصلاح فرمائے،
::::::: ( ٢ ) میت کو اُسکی عقل واپس دی جانا :::::::
::::: دلیل ::::: عبداللہ بن عَمرو بن العاص رضی اللہ عنہُما کا کہنا ہے کہ ایک دِن رسول اللہ صلی علیہ وسلم نے قبر کے امتحانات کا ذِکر فرمایا تو عُمر رضی اللہ عنہُ نے عرض کیا ::: اَتُرَدُّ علینا عُقُولُنَا یا رَسُولَ اللَّہِ فقال رسول اللَّہِ ، اے رسول اللہ کے رسول ، کیا ہماری عقلیں (ہوش و حواس) ہمیں واپس کی جائیں گی ؟ ::: تو فرمایا ( نَعم کَہَیئَتِکُمُ الیَومَ )(جی ہاں جیسے آج تُم لوگ ہو (ایسے ہی اُس وقت بھی تمہاری عقل و حواس کام کر رہے ہوں گے ) ) تو عُمر رضی اللہ عنہُ نے کہا ::: بِفِیہِ الحَجَرُ ، ( پھر تو ہم )اُس (یعنی قبر میں سوال کرنے والے) کے منہُ میں پتھر ( ڈال دیں گے) ::: ( مُسنَد احمد / حدیث ٦٦٠٣،/ عبداللہ بن عَمرو بن العاص رضی اللہ عنہُماکی حدیث ١٢٦ ، صحیح ابن حبان /حدیث ٣١١٥/کتاب الجنائز و مایتعلق بھا مقدماً او مؤخراً ، صحیح الترغیب و الترہیب ٣٥٥٣ )
::::::: ( ٣ ) نیک صالح اِیمان والے (والی) کو ڈرائے بغیر قبر میں بٹھایا جانا ، اور کافر ، گناہگار ، مُنافق کو اِنتہائی خوف کی حالت میں بٹھایا جانا ( مُسند احمد /حدیث ٢٥٦٠٢، کا ایک حصہ/حدیث عائشہ رضی اللہ عنھا کی حدیث١٠٩١ ، صحیح الترغیب والترہیب/حدیث ٣٥٥٧ ، یہ حدیث چونکہ بہت لمبی ہے اِس لیے ساری نہیں لکھی ، اِنشاء اللہ الگ سے لکھ دوں گا)
::::::: ( ٤ ) منکر و نکیر کا آنا اور سوال جواب کرنا ،
::::::: ( ٥ ) مؤمن کی قبر کو وسیع اور روشن کر دِیا جانا ، اور کافر ، گناہگار ، مُنافق کی قبر کو بالکل تنگ کر دِیا جانا یہاں تک اُسکی پسلیاں ایک دوسرے میں گھس جائیں ( ٤ اور ٥ ، سُنن الترمذی /حدیث ١٠٧١/ کتاب الجنائز /باب ما جاء فی عذاب القبر، سلسلۃ الاحادیث الصحیحۃ /حدیث ١٣٩١)
::::::: ( ٦ ) مؤمن کے لیے جنت کا دروازہ کھلنا ، اور کافر ، گناہگار ، مُنافق کے لیے جہنم کا ،
::::::: ( ٧ ) مؤمن کو جنت میں اُس کی جگہ دکھائی جانا ، اور کافر ، گناہگار ، مُنافق کو جہنم میں اُس کی جگہ دِکھائی جانا،
( ٦ اور ٧ ، صحیح مُسلم / حدیث٢٧٦٦/کتاب الجنّۃ و صفۃ نعیمھا و اھلھا /باب ١٧)
::::::: ( ٨ ) مؤمن کے نیک اعمال کا حُسین ، چہرے اور لباس اور بہترین خوشبو والے مرد کی شکل میں ظاہر ہونا ، اور کافر ، گناہگار ، مُنافق کے اعمال کا مکروہ چہرے اور لباس اور بدبو دار مرد کی شکل میں ظاہر ہونا ،
::::::: ( ٩ ) کافر کو وزنی گُرز سے اتنا مارا جانا کہ مٹی ہو جائے ، ( ٨ اور ٩ ،مُسند احمد / ١٨٧٣٣،/حدیث البراء بن عازب رضی اللہ عنہ ُ کی حدیث٧٣،اِمام الالبانی نے صحیح قرار دِیا ''' احکام الجنائز و بِدُعہا ''' ، صفحہ ٢٠٢ ، المشکاۃ المصابیح /حدیث ١٦٣٠)
::::::: ( ١٠ ) مؤمن کو جہنم دِکھایا جانا کہ اللہ تعالیٰ نے اُسے کِس چیز سے بچایا ہے ، اور کافر ، مُنافق کو جنت دِکھایا جانا کہ اللہ تعالیٰ نے اُس سے کیا نعمتیں روک دی ہیں ( سُنن ابن ماجہ /حدیث ٤٢٦٢ /کتاب الز ُھد /باب ذِکر الموت و الاستعداد لہ ُ ، صحیح الجامع الصغیر / حدیث ١٩٦٨ )
::::::: ( ١١ ) مؤمن کی قبر کو ستر کلائی کے برابر وسیع کر دِیا جانا اور اوپر سے سبزہ سے بھر دِیا جانا ( صحیح مسلم /حدیث ٢٨٧٠ )
:::::::::::::::::::::::::::::::::::::::::::::::::: ::::::::::::::::::::::::
اِنشاء اللہ اگلے مضمون میں """ عذاب قبر کے اسباب """ کا ذِکر کروں گا ۔
والسلام علیکم و رحمۃُ اللہ و برکاتہُ ۔

__________________
اب نہ ہو گا کہیں کوئی نزول کتاب ::: بند کر دیا رب العالمین نے یہ باب
ہے جو بھی صحیح سنت رسالت مآب ::: بے شک ہے وحیء رب الارباب

منتظمین

عادل صاحب اپ کے فانٹس بہت چھوٹے ہوتے ہیں۔

mijaz12345

بے شک تھوڑا لکھیں لیکن قرآن حدیث کا حوالہ لازمی دیں- صرف کتاب اور صفحہ نمبر نہ لکھیں- سند لازمی لکھیں-تھوڑا کھلا کھلا لکھیں- شکریہ- mijaz12345@yahoo.com

عادل سہیل

السلام علیکم و جزاک اللہ خیر ، بھائی ، مندرجہ ذیل مراسلہ میں تقریبا ہر ایک حدیث کے حوالے کا ذکر حدیث کی کتاب کا نام ، حدیث نمبر ، کتاب کی اندرونی کتاب ، اُس کا باب ، درج کر کے دیا گیا ہے ، صرف کتاب اور صفحہ نمبر نہیں ، ایسے نامکمل حوالہ جات سے میں سب بھائیوں کو گریز کرنے کی نصیحت کرتا رہتا ہوں اور سب سے پہلے خود اپنے آپ کو اس سے باز رکھتا ہوں ، اور اسی طرح قران کی جس آیت کا ذکر ہوتا ہے ، آیت نمبر اور سورت کا نام پوری طرح لکھتا ہوں‌، الحمد للہ ،
اگر قران یا حدیث کا حوالہ مزید وضاحت سے لکھنے کا کوئی طریقہ ہو تو عنایت فرمائیے ، میں ممنون احسان ہوں گا ،
بھائی ایک طرف تو آپ تھوڑا لکھنے کا مشورہ دے رہے ہیں اور دوسری طرف سند بھی لکھنے کا کہہ رہے ہیں ،
تھوڑا لکھنے کی کوشش تو کرتا ہوں لیکن اُس سے زیادہ کوشش اس بات کی ہوتی ہے کہ بات پوری طرح سے وضاحت سے بیان ہو جائے ،
رہا معاملہ سند لکھنے کا تو جب کسی روایت کا مکمل حوالہ درج کر دیا گیا تو بوقت ضرورت سند وہاں دیکھی جا سکتی ہے ،
السلام علیکم و رحمۃُ‌اللہ و برکاتہ ،

عادل سہیل

السلام علیکم و رحمۃُ‌اللہ وبرکاتہ
بھائی منتظمین ، میں پورے مراسلے کا عام فونٹ سائز 3 رکھتا ہوں اور آیات اور احادیث اور خاص توجہ طلب باتوں کا 4 ،
کیا اَن کو مزید بڑا کر دیا کروں ؟
السلام علیکم و رحمۃُ اللہ و برکاتہُ

فاروق خان

السلام علیکم
اللہ آپ کو جزائے خیر دے ، مزید کا شدت سے انتظار رہے گا

منتظمین

عام مراسلے کا فونٹ سائز 4 ہوتا ہے۔ جب اپ اس سے چھوٹا لکھتے ہیں تو نظر کو بھدا محسوس ہوتا ہے-

__________________
تم سپاہی نہیں ہو پیشہ ور قاتلو!

عبداللہ حیدر

فونٹ سائز میں نے بڑا کر دیا ہے۔
ایک دوسرے دھاگے میں عذاب قبر پر سوالات اٹھائے گئے ہیں۔ جو صاحبان اس پر گفتگو کرنا چاہیں وہ یہاں کر سکتے ہیں۔

عادل سہیل

السلام علیکم و رحمۃ اللہ و برکاتہ ، جزاک اللہ خیرا بھتیجے ، میری رائے ہے کہ اگر وہ صاحب اگر عذاب قبر کے موجوع پر کوئی علمی بحث کرنا چاہیں اور اس دھاگے میں دی گئی پیشکش کے مطابق یہاں آ جائیں تو """ آخرت کی دوسری منزل ، برزخ """ سے متعلقہ تمام مضامین کو ایک جگہ اکٹھا کر دیا جائے اور وہاں ان سے گتگو کی جائے ، و السلام علیکم ۔

champion_pakistani

جزاک اللہ خیرا۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔

wajee

عذاب قبر ہمارے اپنے ہی اعمال ہو گے جو جتنا سامان دنیا میں چھوڑ‌کر جا؁ئے گا وہ ہی عذاب قبر کا باعث بنے گا

عادل سہیل

السلام علیکم و رحمۃ اللہ و برکاتہ ،
وقاص بھائی ، اگر آپ کی بات کو کچھ وضاحت کے ساتھ کہنا چاہوں تو شاید یوں کہنا مناسب ہو گا کہ """ عذاب قبر یا ثواب قبر اپنے اعمال کے نتیجے میں ہی ہوگا ، جو دنیا میں جو کچھ کرتا جائے گا ، اور جو اعمال جاری چھوڑ جائے گا ان کے مطابق ہی اس کو آخرت میں ثواب و عذاب ہو گا ، جس کا پہلا مرحلہ قبر کا ثواب یا عذاب ہے """
امید ہے آپ ان الفاظ سے اتفاق فرمائیں گے ۔
و السلام علیکم۔

فاروق سرورخان

یہ طریقہ بہت عام رہا ہے کہ مدفون کو صرف کفن میں دفن کردیا جاتا تھا۔ ان روایات میں دبائے جانے سے مقصد صرف اور صرف مٹی کے وزن تلے دبنا ہی لیا جاسکتا ہے۔ عذا ب قبر کے ضمن میں قرآن کی کوئی واضح آیت عنایت فرمائیے کہ موت کے بعد دوبارہ اٹھائے جانے سے پہلے اور اعمال ناموں کے ملنے سے پہلے ہی جزا و سزا کا عمل شروع ہوجائےگا۔

والسلام

طارق راحیل

بہت شکریہ۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔

arslansun

بہت شکریہ ۔ ۔