lordforkland

میرے ایک دوست ہیں منو میاں بہت اچھے سائنس دان ہیں ہمیشہ کچھ نہ کچھ ایجاد کرتے رہتے ہیں۔
کچھ دن قبل میں ان کے پاس گیا مجھے دیکھ کر بہت خوش ہوتے ہوئے بولے! بھئی شاہ صاحب میں آپ کے ہی بارے میں سوچ رہا تھا صرف آپ ہی ہیں جو میری ایجادات کو دیکھ کر خوش ہوتے ہیں باقی سب تو مذاق اڑاتے ہیں۔ میں نے ایک نیا کمپیوٹر ایجاد کیا ہے یہ میرے سارے گھر اور لیبارٹری کو خودکار کنٹرول کرتا ہے اور اس سے جو بھی سوال پوچھو فورآ جواب ملتا ہے۔ میں بہت حیران ہوا ایسا کیسے ہو سکتا ہے؟
میں نے کہا منو میاں میں آپ کے کمپیوٹر سے ایک سوال کروں گا اگر اس نے جواب دے دیا تب مانوں گا۔ وہ فورآ جوش سے بولے کیوں نہیں ہاتھ کنگن کو آرسی کیا
میں نے کمپیوٹر میں اپنا سوال داخل کیا ہی تھا کہ اچانک لیبارٹری کی لائٹ مدھم پڑ گئی اور تمام دروازے لاک ہو گئے۔ منو میاں ایک دم پریشان ہو کر کہنے لگے یہ کیا ہوا میں نے کہا بھئی میں نے تو اپنا سوال داخل کیا تھا کہ اچانک یہ ہو گیا۔ وہ فکر مندی سے بولے آپ نے کیا سوال پوچھا تھا؟
میں نے اپنا سوال بتایا تو وہ فورآ چیخ کر بولے یہ تم نے کیا کیا یہ دروازہ تو اب کبھی نہیں کھلے گا کمپیوٹر اپنی ساری طاقت اس سوال کر حل کرنے میں لگا دے گا لیکن وہ اس سوال کو حل ہی نہیں کر سکتا۔

دوست کیا آپ اس سوال کو حل کر کے منو میاں کی مدد کر سکتے ہیں۔

سوال: ایک وکیل کہتا ہے کہ تمام وکیل جھوٹے ہوتے ہیں۔ کیا وہ جھوٹ بول رہا ہے یا سچ۔
اگر وہ سچ بول رہا ہے تو اس کی یہ بات غلط ثابت ہوتی ہے کیونکہ وہ خود بھی وکیل ہے اور اسکی اپنی بات غلط ثابت ہوتی ہے اگر وہ جھوٹ بول رہا ہے تب اپنی ہی بات کو غلط ثابت کر رہا ہے۔

اب آپ ہی اس الجھن کو دور کریں کہ وکیل بھائی جھوٹ بول رہے ہیں یا سچ

محمدخلیل

میرے بھی دماغ کا دروازہ بند ہوگیا ہے۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔

lordforkland

اسی لیے اس سوال کو چیلنج سوال کا نام دیا ہے کوئی تو ہو گا اس فورم پر جس کے پاس اس سوال کا جواب ہو گا۔ یا سب نے ہار مان لی؟

nsa47

اس کا جواب ہے کہ
تمام وکیل ہمیشہ جھوٹے نہیں ہوتے بلکہ اپنی وکالت کے دوران جھوٹے ہو سکتے ہیں
اور اس کی یہ بات سچی ہے کہ تمام وکیل اکثر جھوٹ بولتے ہیں ۔

lordforkland

تو بھائی اگر اس کی یہ بات سچی ہے تو وہ خود بھی وکیل ہے اور وکیل ہونے کے ناتے اس کی اپنی بات کے مطابق تمام وکیل جھوٹے ہوتے ہیں تو وہ بھی جھوٹ بول رہا ہے۔ اس لیئے اس بات کا فیصلہ کیسے ہو گا کہ وہ صحیح کہہ رہا ہے۔

wajee

وہ واقعی میں سچ بول رہا ہے ......

lordforkland

اگر وہ سچ بول رہا ہے تو اس کی اپنی بات کے مطابق تمام وکیل جھوٹے ہوتے ہیں تو وہ وکیل ہونے کے ناتے سچ کیسے بول سکتا ہے؟

nsa47

تمام وکیل ہمیشہ اور ہر بات میں جھوٹے نہیں ہوتے ،
مثال کے طور پر جب وہ کہتا ہے:- "میں وکیل ہوں"
تو اب اس میں تو جھوٹا نہیں ہے ۔
اور جھوٹ ایک تناسبی چیز ہے کہ کلام کا لفظ بلفظ جھوٹ نہیں ہوتا بلکہ گفتگو کا تھوڑا سا حصہ جھوٹ ہو تو کہہ دیا جاتا ہے کہ یہ جھوٹ ہے حالانکہ اس میں زیادہ حصہ سچ ہوتا ہے جیسے اگر لباس پر کہیں دھبہ لگ جائے تو کہہ دیا جاتا ہے کپڑے گندے ہو گئے حالانکہ سارا لباس گندا نہیں ہوا ہوتا تھوڑا سا حصہ گندا ہوا ہوتا ہے ۔
تو اسی طرح یہ وکیل صاحب یہ بات سچ بول رہے ہیں اور بھی سچ باتیں بولتے رہتے ہیں مگرجھوٹ وکالت میں وکیل ہونے کے ناطے بولتے ہیں ۔
سمجھنے کی کوشش کرو گے تو یہ بات آسانی سے ذہن میں سما جائے گی ۔

اسد لطیف

یہ سوال اس سوال سے ملتا جلتا ہے جیسے کہ
کچھ دن پہلے میرے پاس ایک sms آیا کہ اس سوال کا جواب دو
سوال یہ تھا کہ
جو جھوٹ بولتے ہیں اور جنت میں جائیں گے اور وہ کون ہیں جو سچ بولتے ہیں اور قیامت کے دن دوذخ میں جائیں گے؟
تو میں نے کافی سوچا کہ ایسا تو ممکن نہیں ہو سکتا۔ دل میں خیال آیا کہ کیوں نہ اپنے ٹیچر صاحب سے پوچھا جائے
تو سوال ٹیچر کو بھیج دیا!
کچھ دن بعد جواب آیا کہ
جو شخص میاں بیوی کی صلح کرانے کے لیے اگر جھوٹ بھی بولے گا تو وہ جنت میں جائے گا اور جو سچ بولتے ہیں اور دوزخ میں جائیں گے
وہ ہیں یہودی اور ،،،،،(نام یاد نہیں)!
جو دونوں کافر ہیں اور ایک دوسرے کو کہتے ہیں کہ تم کافر ہو!
حالانکہ دونوں کافر ہیں وہ سچ بولتے ہیں
لیکن کافر ہونے کی وجہ سے دوزخ میں جائیں گے!

امید ہے کہ کچھ سمجھ میں آ گیا ہوگا!

nsa47

بہت اچھے اسد جی !

arslansun

hmm /

سعود

وہ وکیل جھوٹ بول رہا ہے کہ "تمام وکیل جھوٹے ہوتے ہیں۔"

سعود

کیونکہ "تمام وکیل جھوٹے ہوتے ہیں " کی دو صورتیں ہو سکتی ہیں۔

اگر کہی گئی بات صحیح ہو:
تمام وکیل جھوٹے ہوتے ہیں اور ایک وکیل ہونے کے ناطے وہ بھی جھوٹا ہے سو اُس کی کہی گئی بات "تمام وکیل جھوٹے ہوتے ہیں" بھی غلط ہے' یعنی اصل میں "تمام وکیل جھوٹے نہیں ہوتے"۔ اس طرح اُس کی اپنی ہی بات کی نفی ہوتی ہے لہٰذا یہ ممکن نہیں۔

اگر کہی گئی بات غلط ہے تو:
اصل بات ہو گی کہ "تمام وکیل جھوٹے نہیں ہوتے" اس کو ہم یوں بھی کہ سکتے ہیں کہ "کچھ وکیل جھوٹے ہوتے ہیں"۔ اب یہ وکیل صاحب بھی اِنہیں کچھ جھوٹے وکیلوں میں شامل ہیں۔ سو ان کی بات کہ "تمام وکیل جھوٹے ہوتے ہیں" بھی سو فیصد غلط ہے۔کیونکہ "تمام نہیں بلکہ کچھ وکیل جھوٹے ہوتے ہیں" اور صرف یہی ممکن ہے۔

سعود

by mistaaaaaaaaakkkkkkkkkkeeeeeee

nsa47

ایک بادشاہ نے ایک مجرم کو سزا دینی تھی مگر اس کو ایک موقع دیتے ہوئے کہا کہ اگر تم کوئی ایسی خبر دو جو سچی ہوئی تو تمہاری گردن تلوار سے اڑا دی جائے گی اور اگر تمہاری بات جھوٹی ہوئی تو تمہیں پھانسی دی جائے گی ۔ اب اس نے ایسی خبر دی کہ بادشاہ کو اس کی جان بخشی کرنی پڑی ۔ وہ کیا تھی ؟