یاسر عمران مرزا

موبائل فون کی بنائی ہوئی ویڈیو کو کمپیوٹر میں‌منتقل کرنا بہت آسان کام ہے، کیوں کہ کم و بیش ہر موبائل میں یو ایس بی کیبل، میموری کارڈ یا بلوٹوتھ شامل ہوتا ہے جس سے آپ ڈائریکٹ کمپیوٹر میں منتقلی کر سکتے ہیں۔ اسی طرح بیشتر نئے ویڈیو کیمرے، ہینڈی کیم وغیرہ بھی یو ایس بھی پورٹ رکھتے ہیں، کچھ کیمرے ڈائریکٹ ڈی وی ڈی پر فلم محفوظ کرتے ہیں ، کچھ میموری کارڈ پر، کچھ کے اندر ہارڈ ڈسک لگی ہوتی ہے، یہ سب ذرائع ایسے ہیں جن سے مووی کی کمپیوٹر میں منتقلی چند منٹوں کا کام ہے۔ لیکن اگر آپ کے پاس چندسال پرانا کیمرہ ہے یا آپ وی سی آر سے مووی کمپیوٹر میں منتقل کرنا چاہتے ہیں تو سب سے پہلے آپ کو دیکھنا پڑے گا کہ آپ کے وی سی آر میں کون کون سی آؤٹ پٹ پورٹس ہیں۔ کچھ مووی کیمروں میں‌ فائر وائر FIREWIRE پورٹ ہوتی ہے، تاہم کسی وی سی آر یا ڈی وی ڈی پلئیر میں ایسی پورٹ میں نے کبھی نہیں‌دیکھی۔ اگر ہو تو بہت بہتر ہے، نا ہو تو دوسرا طریقہ استعمال کرنا پڑے گا۔

پہلا طریقہ :‌بذریعہ فائر وائر ٹرانسفر By Using Firewire port and cable
فائر وائر پورٹ سے مووی کاپی کرنا تیز ترین اور آسان ترین ہے، لیکن اس کے لیے آپ کے کمپیوٹر میں بھی فائر وائر پورٹ ہونی چاہیے، جو کہ نئے لیپ ٹاپ کمپیوٹر میں تو آتی ہے لیکن عام گھریلو کمپیوٹر میں فائر وائر کارڈ لگوانا پڑتا ہے۔ جس کی قیمت ایک ہزار سے دو ہزار تک ہو سکتی ہے۔ ملاحظہ کیجیے تصاویر،فائر وائر کی ایک طرف کی پورٹ جو کہ ڈیسک ٹاپ یا لیپ ٹاپ میں ہو گی۔



دوسری طرف کی پورٹ جو کیمرہ، وی سی ڈی، ڈی وی ڈی یا وی سی آر میں ہو گی.



اسے 1394 پورٹ بھی کہتے ہیں، اگر یہ پورٹ آپ کے کمپیوٹر میں موجود ہےتو آپ کو صرف ایک عدد فائر وائر کیبل درکار ہو گی، یہ کیبل آپ کو بازار سے مل سکتی ہے۔ قیمت کا دارو مدار اس بات پر ہے کہ دکان والا آپ کی کم علمی سے کتنا فائدہ اٹھاتا ہے۔
مطلوبہ چیزیں ہونے کی صورت میں کیبل سے کمپیوٹر اور وی سی آر، کیمرہ یا ڈی وی ڈی کو جوڑ دیں۔ اس کے بعد وینڈوز مووی میکر، یا کسی بھی مووی میکنگ سافٹ ویئر جیسے یو لیڈ ویڈیو سٹو ڈیو ULEAD VIDEO STUDIO میں کیپچر کے فنکشن پر جا کر وی سی آر سے ویڈیو چالو کر دیں اور کمپیوٹر میں کیپچر کا بٹن دبا دیں۔ اگر ٹھیک طریقہ سے کیپچر ہورہا ہے تو آپ کو سکرین پر ویڈیو چلتی ہوئی بھی نظر آئے گی، ایک بات یاد رکھیں ،کیپچر ہونے والی فلم کا سائز بہت بڑا ہوتا ہے ، جس کے لیے آپ کو ہارڈ ڈیسک پر بہت سی جگہ درکار ہے، اس کا دارو مدار ویڈیو کی مدت پر ہے، جیسے 10 منٹ کی ایک ویڈیو میرے کمپیوٹر پر اے وی آئی فارمیٹ میں ڈیڑھ گیگا بائٹ تک لیتی ہے۔ بہتر طریقہ کار یہی ہے کہ فلم کو ٹکڑوں کی صورت میں کیپچر کریں۔ 10 سے 15 منٹ کا ایک ٹکڑا۔

دوسرا طریقہ : بذریعہ آڈیو ویڈیو کیبل By Using Audio video cable

اگر آپ کے پاس فائر وائر کارڈز، کیبلز وغیرہ نہیں اور بازار سے معلوم کرنے پر آپ کو معلوم ہوتا ہے کہ وہ بہت مہنگی ہیں تو آپ ٹی وی ٹیونر کارڈ کمیوٹر میں لگوا سکتے ہیں، اس کے ساتھ آپ کو ایک عدد آڈیو ویڈیو کیبل درکار ہو گی، جس کی شکل کچھ ایسی ہے۔



بیشتر وی سی آر میں آڈیو ویڈیو آؤٹ پورٹس موجود ہوتی ہیں، لیکن اگر آپ کے وی سی آر میں وہ نہ موجود ہو تو آپ کاپی نہیں کر سکیں گے۔ اگر موجود ہو تو اس کی شکل کچھ ایسی ہو گی۔



اس کے بعد کمپیوٹر پر ٹی وی ٹیونر کارڈ میں بھی یہ پورٹس ہونی چاہیں۔ تصویر دیکھیے


کیبل سے وی سی آر اور کمپیوٹر کو جوڑ دیں، کمپیوٹر پر کیپچر سافٹ وئر کھول لیں، جسکا ذکر میں نے اوپر کیا ہے، اگر اس میں کچھ سیٹنگ کرنی پڑے تو وہ آپ کو اپنی ہمت پر ہی کرنی ہو گی کیوں کہ ہر سافٹ وئر کی سیٹنگ مختلف ہوتی ہے، اس سے نبٹنے کے بعد وی سی آر کو پلے کر دیں، مطلب چلا دیں اور کمپیوٹر پر کیپچر کا بٹن دبا دیں، لیں جی آپ کی مووی کاپی ہونی شروع۔

ایک طریقہ یہ بھی ہو سکتا ہے کہ کسی بھی پروفیشنل مووی میکر سے یہ کام کروا لیں، مووی میکرز کے پاس ساری مطلوبہ چیزیں تیار حالت میں موجود ہوتی ہیں، جیسا کہ تاریں، کنورٹر، وی سی آر، کمپیوٹر میں تمام مطلوبہ کارڈز وغیرہ، وہ آپ سے کچھ روپے لے گا جو اتنے زیادہ نہیں ہوں گے، ایک کیسٹ کے لگ بھک 100 سے 200 روپے تک، یہ طریقہ سب سے آسان بھی ہے اور پریشانی سے پاک بھی۔ کیوں کہ جتنا خرچہ آپ اپنے کمپیوٹر، وی سی آر، کیبلز وغیرہ کو اس قابل بنانے کے لیے کریں گے اس سے کہیں کم میں آپ کا کام بازار سے ہو جائے گا۔

بہت شکریہ، چونکہ میں انسان ہوں اس لیے تحریر میں غلطی ہو سکتی ہے، اگر آپ کو نظر آئے تو نشاندہی کر دیں، شکریہ

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com

wajee

بہت ہی معلومات تھریڈ پوسٹ کیا ہے یاسر بھائی آپکی مزید اچھی اچھی شیرنگ کا انتظار ہے شکریہ

حضرت بنگش

اگر ڈٹٹا کا سائز کم کرنا چاھتے ھے تو اس کا یہ حل ھے کہ اپ real player انسٹال کردے اور پھر جب ویڈیوں saveکرنی ھے تو mpeg میں saveکردے لیکن یہ صرف adob premier مای ھوتی ھے جو کہ تقریبآ سارے پروفشنل استمعال کرتے ھے

ہادی

ڈیٹا سائز زیادہ ہوتا ہے mpg فارمیٹ کا ۔ اس کا کوئی حل ہے ؟

مسافر

بہت بہت شکریہ جناب کا

یاسر عمران مرزا

جی ہاں
بعد میں‌کوئی بھی کنورٹنگ سافٹ وئر جیسے
Total Converter
Allok Video Converter
Ulead Media Studio
استعمال کر کے ویڈیو کا بٹ ریٹ Bitrate اور ریزولوشن Resolution اتنا کم کر دیں جتنا سی ڈی یا ڈی وی ڈی کوالٹی کا معیاری ہوتا ہے، اس سے ویڈیو کا سائز کم ہو جائے گا۔ اس کے علاوہ اگر آپ مووی میکنگ سافٹ وئر ،جیسے
Adobe Premire
Ulead Video Studio
Ulead Media Studio
Cyberlink Power Director
استعمال کرکے ویڈیو میں‌ایفیکٹس لگاتے ہیں یا نہیں‌بھی لگاتے، لیکن جب ایکسپورٹ کرتے ہیں تو آپ کے پاس ویڈیو کی ریزولوشن اور سائز اختیار کرنے کا آپشن ہوتا ہے۔ اس طرح کم مقدار اختیار کر کے ویڈیو کا سائز کم کر دیں۔

ہادی

Ulead Video Studio استعمال کرتے ہوئے جب ایکسپورٹ کرتے ہیں تو ویڈیو کا بٹ ریٹ Bitrate اور ریزولوشن Resolution کتنا کم کر دیں جوسی ڈی کوالٹی کا معیاری ہوتا ہے ؟

یاسر عمران مرزا

سی ڈی کوالٹی کی ریزولوشن 320x240
بٹ ریٹ 1151kbps
تاہم ویڈیو کی کوالٹی کم تب کرنی ہے جب آپ مووی میکنگ سافٹ وئر میں ایفکٹس کا کام ختم کر لیں اور آپ کو لکھنا نہیں پڑے گا کہ ریزولوشن اتنی کر دو، بلکہ آپ ایکسپورٹ فارمیٹ سے وی سی ڈی کوالٹی ، ایس وی سی ڈی کوالٹی یا ڈی وی ڈی کوالٹی منتخب کر دیں تو سافٹ وئر خودکار نظام کے تحت ویڈیو کی تفاصیل منتخب کر لے گا۔